Karrierefaglege teoriar og metodar
Ein karriererettleiar har oversikt over breidda i det teoretiske feltet som handlar om karriereutvikling og karriererettleiing. Karriererettleiaren nyttar karriereteori til å utvikle og berike perspektiv i rettleiinga, og gjere bevisste og tilpassa metodeval.
Sist oppdatert : 23. august 2024Karriererettleiaren kan integrere og balansere fysisk og digital rettleiing, og vurderer kva form og arena som er mest føremålstenleg i den aktuelle karriererettleiingsaktiviteten.
Kunnskap
Karriererettleiaren:
- har kunnskap om korleis individet gjer val, og kva som påverkar individet sine val og karriereutvikling
- har kunnskap om spesifikke karriererettleiingsmetodar
- har kunnskap om moglegheiter og avgrensingar knytte til ulike verktøy som blir nytta til utforsking av interesser, ønske og moglegheiter for utdanning og arbeid
- har kunnskap om fysiske og digitale rettleiingsformer, og om korleis dei kvar for seg og saman bidrar til fleksible karriererettleiingsprosessar
Ferdigheiter
Karriererettleiaren:
- nyttar relevant karriereteori for å kunne bringe inn fleire perspektiv i rettleiinga
- er bevisst på og kan grunngi val av karriererettleiingsmetoder
- vurderer føremålstenleg bruk av ulike former og arenaer for karriererettleiing
- kan nytte digital karriererettleiing integrert med andre rettleiingsformer
Generell kompetanse
Karriererettleiaren:
- kan kritisk vurdere ulike karrierevalsteoriar og bruken av dei i karriererettleiingspraksis
- kan nytte karriereteori til nytenking, innovasjon og formidling i tenesta
- forstår betydinga av å leie og organisere karriererettleiingsaktivitetar i digitale og fysiske omgivnader på måtar som stimulerer vegsøkjaren si evne til nytenking rundt sin eigen situasjon
Plakat
Her kan du laste ned kompetanseområdet Karrierefaglege teoriar og metodar i plakatformat. PDF-fila kan printast ut i ulike storleikar.
