Utdanning og arbeid nynorsk

Karriererettleiaren har kjennskap til utdanningsvegar, trendar og etterspurnad på arbeidsmarknaden, og har oversikt over informasjon og forsking om framtidige kompetansebehov. Karriererettleiaren forstår kompleksiteten og avgrensingane i mangfaldet av utdannings- og arbeidsmarknadsinformasjon.

Kunnskap

Karriererettleiaren:

• har oppdatert kunnskap om utdanningssystemet på alle nivå, og grunnleggande kjennskap til utdanningssystemet sine særlege ordningar, som reglar, moglegheiter, krav, fristar, dispensasjonar og støtteordningar
• har kunnskap om etter- og vidareutdanning og aktuelle kursmoglegheiter lokalt
• har kjennskap til behova og etterspurnaden i arbeidslivet etter arbeidskraft lokalt, regionalt og nasjonalt, og til prognosar for framtidige kompetansebehov
• har kunnskap om forventningar og krav knytte til jobbsøkingsprosessen og deltaking i arbeidslivet

Ferdigheiter

Karriererettleiaren:

• nyttar kvalitetssikra informasjonskanalar om utdanning og arbeid og utøver kjeldekritikk
• vurderer utdannings- og arbeidsmarknadsinformasjon saman med vegsøkjaren opp mot vegsøkjaren sine ønske, moglegheiter og avgrensingar
• rettleier i søknadsprosessar knytt til utdanning og arbeid
• bistår vegsøkjaren i å synleggjere, forstå og nytte sin eigen kompetanse, inkludert det å kunne sette ord på generell kompetanse som er overførbar frå eitt arbeidsområde til eit anna

Generell kompetanse

Karriererettleiaren:

• har innsikt i arbeidet si betyding i menneske sine liv
• kan formidle betydinga av frivillig arbeid for lokalsamfunnet og den einskilde

Plakat

Her kan du laste ned kompetanseområdet Utdanning og arbeid i plakatformat. PDF-fila kan printast ut i ulike storleikar.