Nasjonal klagenemnd for høgare yrkesfagleg utdanning

Les denne teksten på bokmål.

Nemndas oppgåve er å handsame klagesaker om opptak gjennom samordna opptak, om annullering av eksamen på grunn av fusk eller dokumentfalsk, i tillegg til klager på vedtak om utestenging, bortvising, vurdering av dugleik (skikkethet) og krav om politiattest. Nemnda handsamar ikkje klager på fagskulane sine opptaksvedtak om realkompetanse eller spesielle opptakskrav.

Klagenemnda har sju medlemmer som er oppnemnt av Kunnskapsdepartementet. Sakshandsaminga er skriftleg, og nemnda kan prøve alle sider av saker den mottek. HK-dir er sekretariat for nemnda, og ansvarlig for å ta imot, førebu og leggje til rette klagesakshandsaminga til nemnda.

Klagesaker som skal oversendast klagenemnda

Den nasjonale klagenemnda handsamar klager over enkeltvedtak gjort med heimel i:

• fagskuleloven § 7 tredje ledd om inndragning, annullering og karantenetid
• fagskuleloven § 16 om opptak gjennom samordna opptak, unntatt opptaksvedtak om realkompetanse eller spesielle opptakskrav
• fagskuleloven § 16a tredje ledd om inndragning, annullering og karantenetid
• fagskuleloven § 24 om annullering av eksamen eller prøve
• fagskuleloven § 25 om bortvising og utestenging
• fagskuleloven § 26 om vurdering av dugleik (skikkethet)
• fagskuleloven § 27 om krav om politiattest

Klagesaker knytt til andre vedtak enn dei som er nemnt ovanfor vil bli returnert til fagskulen.

Oversending av klagesaker til klagenemnda

Før ei klagesak kan sendast til nemnda, må fagskulen vurdere om det opprinnelege vedtaket bør omgjerast, jf. forvaltningsloven § 35.

Dersom fagskulen opprettheld vedtaket, skal fagskulen førebu saka og systematisera dokumentane som høyrer til. Deretter skal klagesaka sendast til klagenemnda for vidare handsaming.

Fagskulen må sjå til at alle relevante dokument er inkluderte, og at saken er framstilt på en ryddig og oversiktleg måte. Nærmere rettleiing ved oversending av klagesaker, kan ein finne i rettleiar for oversending av saker (PDF).

Vi ber om at klagesaksdokumenta oversendast elektronisk via sak- og arkivsystemet dykkar (Altinn, SvarUT, eFormidling) til organisasjonsnummer 974788985.

Klagesaker kan også oversendast kryptert via fildeletenesta Filesender. I tilfelle må fagskulen avtale mottakar av passord på SMS. For å avtale mottakar, send ein førespurnad til post@hkdir.no.

Klagesaker kan etter avtale også oversendast per post. Førehandsavtala oversending per post rettast til:

Direktoratet for høyere utdanning og kompetanse
v/ Felles klagenemnd
Postboks 1093
5809 Bergen

Rapport frå klagenemnda

• Nasjonal klagenemnd for høyere yrkesfaglig utdanning, rapport 2020-2022 og veiledning om saksbehandling (kun på bokmål)