Avdeling for kvalitet i karriererettleiing

Avdelinga Kvalitet i karriereveiledning arbeider for å styrkje kvaliteten, tilgangen og kunnskapsgrunnlaget for karriererettleiing i Noreg. Gjennom fagutvikling, kunnskapsutvikling, samarbeid og forvaltning av verkemiddel bidreg vi til at fleire får tilgang til karriererettleiing av høg kvalitet gjennom heile livet.

Vi har ansvar for Nasjonalt kvalitetsrammeverk for karriereveiledning og utviklar ressursar som støttar profesjonell praksis, kvalitetsutvikling og læring på tvers av sektorar. Gjennom Veilederforum og Kvalitetslaboratoriet formidlar vi forsking, fagkunnskap og verktøy som styrkjer kvalitet og profesjonalisering i karriererettleiingsfeltet.

Avdelinga har fagleg ansvar for karriererettleiing i skulen og for karriererettleiing for flyktningar etter integreringslova. Vi arbeider òg med karriereutvikling i universitets- og høgskulesektoren, og utviklar og formidlar kunnskap om karriererettleiing og forvaltar tilskotsordningar som bidreg til kvalitetsutvikling og samarbeid på feltet.

Gjennom Euroguidance har vi eit nasjonalt ansvar for internasjonalt samarbeid innan karriererettleiing. Saman med nasjonale og internasjonale partnarar arbeider vi for å vidareutvikle karriererettleiingsfeltet og styrkje kvaliteten i karriererettleiinga.