Online Language Support (OLS)

OLS tilbyr online språktest og online språkkurs til studentar på Erasmus+-mobilitetsopphald som varer i minst 14 dagar.

Det er ikkje obligatorisk for mobilitetsdeltakarane å ta OLS-test. Dette betyr at de ikkje treng å kontrollere at mobilitetsdeltakarane har gjennomført språktesten, men det er obligatorisk for dykk å promotere språklæring og den generelle bruken av OLS.

Frå 1. juli 2022 har «Online Linguistic Support» skifta namn til «Online Language Support» (OLS) og flytta over til plattforma «EU Academy».

• Logg inn på EU Academy (europa.eu).
• Les meir om OLS på nettsida til Europakommisjonen.

Hjelp og rettleiing

• Spørsmål og svar om OLS (EU Academy).
• Viss de ikkje finn svar på hjelpesida, kan de ta direkte kontakt med OLS på e-post (europa.eu).

Tilgjengelege språk

OLS tilbyr eit breitt spekter av språkopplæringstenester for alle dei 29 offisielle språka i EU-medlemsstatane og programlanda knytt til Erasmus+: bulgarsk, tsjekkisk, dansk, tysk, gresk, engelsk, estisk, spansk, finsk, fransk, irsk gælisk, kroatisk, ungarsk, italiensk, litauisk, latvisk, maltesisk, nederlandsk, polsk, portugisisk, rumensk, slovakisk, slovensk, svensk, islandsk, makedonsk, norsk, serbisk og tyrkisk.

Studentar som skal studere språk som OLS ikkje gir tilbod om

I enkelte tilfelle der hovudspråket ikkje blir dekt av OLS, kan avsendar- eller mottakarinstitusjon tilby språkleg støtte på andre måtar. Ved retur kan deltakarane ta ei sluttvurdering, som let dei måle framgangen som er gjord under utanlandsopphaldet.

Avsendarinstitusjonen kan nytte administrasjonsmidlar (OS-midlar) til å dekkje utgifter til språkkurs for desse studentane.

Eksempel på e-post de kan sende til studentane

De må sende ut informasjon om innlogging på EU Academy til studentane slik at dei får tilgang til OLS. Med tiden vil det vere mogleg å gi studentane tilgang til OLS direkte frå Beneficiary Module.

Informasjon på norsk: Invitasjon til OLS e-post

Informasjon på engelsk: OLS sample invitation email