Kva er Erasmus+

Programmet støttar mobilitet og samarbeidsprosjekt i heile utdanningsløpet: barnehage, grunnskule, vidaregåande opplæring, høgare yrkesfagleg utdanning, høgare utdanning og vaksenopplæring.

Erasmus+ skal bidra til kvalitet i utdanning gjennom inkludering og mangfald, aktivt medborgarskap, og digital og grøn omstilling.

Les meir om dei overgripande prioriteringane som skal prega aktivitetane i Erasmus+ 2021-2027:

• Berekraft
• Digitalisering
• Inkludering
• Aktivt medborgarskap

Tre hovudtiltak

Erasmus+ har tre hovudtiltak:

1. Mobilitet - elevar, lærlingar, studentar og deltakarar i vaksne si læring kan ha eit læringsopphald i utlandet. I tillegg kan lærarar og andre tilsette på alle nivå arbeide i eller ved utanlandske organisasjonar og institusjonar.
2. Partnarskap for samarbeid - omfattar partnarskap mellom utdanningsinstitusjonar, relevante organisasjonar og arbeidsliv for å styrke og vidareutvikle europeisk samarbeid innanfor undervisning og læring. Tiltaket kan omfatte samarbeid med lærestader utanfor Europa.
3. Støtte til politikkutvikling - omfattar prosjekt og aktivitetar for å gjennomføre EU-politikk og EU-instrument.

I tillegg kjem Jean Monnet-tiltaket som gir støtte til undervisning og forsking på europeisk historie og integrasjon.

Strategi for norsk deltaking i Erasmus+

Regjeringa har høge ambisjonar for norsk deltaking i Erasmus+ og Det europeiske utdanningsområdet. For å støtte opp under dette, har regjeringa laga ein strategi med fire mål.

Måla er avgjerande for å auke kvalitet og relevans og skal bidra til å løyse store samfunnsutfordringar som knyter seg til inkludering, mangfald, digital og grøn omstilling.

1. Samarbeidet skal bidra til å løyse store samfunnsutfordringar.
2. Samarbeidet skal styrke samhandling mellom utdanning, opplæring og arbeids- og samfunnsliv.
3. Samarbeidet skal gi fleire moglegheita til å delta i eit internasjonalt læringsmiljø.
4. Samarbeidet skal bidra til utvikling av politikk og rammebetingingar.

Les heile Strategi for norsk deltaking i Erasmus+ og Det europeiske utdanningsområdet (PDF, regjeringen.no)