Anleggsgartnar - grunnleggjande ferdigheiter på jobb

Last ned som PDF, Excel eller Word

Arbeidsoppgåver for anleggsgartnarar

• byggje og halde ved like hageanlegg, parkar, torg, kyrkjegardar og idrettsanlegg
• byggje og halde ved like småvegar og plassar, trapper, murar og gjerde
• gjere natursteinsarbeid i brustein, skifer og granitt og halde dei ved like
• gjere plante- og vegetasjonsarbeid og halde dei ved like

Leseferdigheiter

Kvar dag vil anleggsgartnaren

• lese forklaringar og instruksjonar.
• lese korte notat.
• lese lister over ulike arbeidsoppgåver som skal gjerast.
• lese oppslag om tryggleik.
• lese meldingar og e-postar.
• lese skilt og symbol.
• lese arbeidsteikningar og kart med ulik informasjon.

Med jamne mellomrom vil anleggsgartnaren

• lese bruksrettleiingar for nytt utstyr og nye produkt.
• lese instruksjonar om korleis ein skal bruke ulike maskiner.
• lese rapportar og referat.
• lese HMS-informasjon og tryggleiksinstruksjonar.
• lese retningslinjer om handsaming av avfall og krav til kjeldesortering.
• lese og forstå nye eller endra interne rutinar.

Av og til vil anleggsgartnaren

• lese rutinar og informasjon om plantestell.
• lese informasjon og skjema om sitt eige arbeidsforhold.
• lese opplæringsmateriell.
• lese fagblad.
• lese arbeidskontraktar og skjema som gjeld sitt eige arbeidsforhold.

Skriveferdigheiter

Kvar dag vil anleggsgartnaren

• skrive notat.
• fylle ut sjekklister for kvalitet og avvik.
• skrive korte beskjedar til seg sjølv eller andre.
• fylle ut og signere ulike skjema.
• fylle ut arbeidsplanar.

Med jamne mellomrom vil anleggsgartnaren

• rapportere avvik og hendingar til leiarar.
• bestille varer og fylle ut bestillingsskjema.
• notere førespurnader frå kundar, leiarar og leverandørar.
• kvittere for mottekne varer.
• skrive oppslag.
• skrive meldingar og e-postar.
• leggje ulike planar.

Av og til vil anleggsgartnaren

• notere nye rutinar for seg sjølv eller andre.
• skrive brev og søknader.
• ta notat frå opplæring.
• skrive rapportar over utført arbeid.
• skrive arbeidsordrar og få dei signerte av leiarar.
• lage lister over kva utstyr og maskiner som trengst.
• ajourføre driftsdokumentasjon og teknisk dokumentasjon.
• fylle ut skjema som gjeld sitt eige arbeidsforhold.

Munnlege ferdigheiter

Kvar dag vil anleggsgartnaren

• snakke med kollegaer eller leiarar for å koordinere arbeidet.
• gje og ta imot beskjedar og instruksjonar.
• forklare arbeidet som blir utført.
• planleggje jobben saman med oppdragsgjevaren.

Med jamne mellomrom vil anleggsgartnaren

• høyre og svare på forklaringar frå oppdragsgjevarar, leiarar, leverandørar eller kollegaer.
• føreslå endringar i oppgåver og arbeidsmetodar.
• få instruksjonar frå og diskutere arbeidet med leiarar.
• forklare oppgåver eller utfordringar for innleigd personell.
• delta i lunsj- og pauseprat.

Av og til vil anleggsgartnaren

• varsle om hendingar eller ulukker.
• delta i opplæring.
• seie frå dersom noko er uklart.
• diskutere framgangsmåtar med leiarar og kollegaer.
• orientere nytilsette og vikarar.
• melde frå om sjukdom og fråvær.
• snakke med ulike leverandørar for å innhente tilbod på varer og tenester.
• ha ein medarbeidarsamtale med den næraste leiaren sin.

Rekneferdigheiter

Kvar dag vil anleggsgartnaren

• bruke arbeidsteikningar og rekne om til full storleik.
• vurdere kor mykje tid det vil ta å utføre ein jobb.
• vurdere kor mykje materiell og utstyr som går med til ein jobb.
• rekne ut lengd, areal, volum og vekt i samband med arbeidsoperasjonar.

Med jamne mellomrom vil anleggsgartnaren

• fylle ut timelister.
• samanlikne prisar frå ulike leverandørar.
• kontrollere rekningar og fakturaer.
• setje opp fakturagrunnlag.
• gjere overslag eller rekne ut kostnader for ein jobb.
• kontrollere sin eigen lønsslipp.
• rekne ut rett tal plantar til eit blomsterbed.
• kontrollere landmålingsverktøy.

Av og til vil anleggsgartnaren

• vurdere behov for arbeidskraft etter framdriftsplan og arbeidsmengd.
• sjekke budsjett.
• rekne ut køyregodtgjersle.
• rekne ut kostnader ved å leige inn arbeidskraft.
• rekne ut kor mykje ressursar ein har brukt samanlikna med det som var venta.

Digitale ferdigheiter

Kvar dag vil anleggsgartnaren

• føre oversikt i ein kalender over sin eigen aktivitet.
• sjekke avtalar med leverandørar, leiarar eller oppdragsgjevarar.
• leggje inn avvik i digitale skjema.
• sende og ta imot meldingar og e-postar.

Med jamne mellomrom vil anleggsgartnaren

• fylle inn opplysningar om utført arbeid.
• sende e-postar med vedlegg.
• føre timelister.
• bruke standard kontorprogramvare.
• leggje inn tal og opplysningar i rekneark.
• sjekke vareinformasjon.
• bestille varer.
• bruke smarttelefon og nettbrett med forskjellige appar knytte til oppgåver.

Av og til vil anleggsgartnaren

• søkje etter produktinformasjon, lover og reglar.
• bruke bilete for å dokumentere hendingar eller avvik.
• finne oppdatert HMS-regelverk.
• bruke eigna dataprogram til å rekne ut tid og pris.
• sjekke internett for nye miljøføresegner.
• samanlikne prisar frå ulike leverandørar.
• leggje ut og svare på anbodsførespurnader.
• lagre kontraktar eller serviceavtalar med leverandørar.
• bruke sosiale medium for å halde seg oppdatert og reklamere for si eiga verksemd.
• oppdatere køyrebok.
• bruke ulike digitale møteplassar for samarbeid og kommunikasjon.
• bruke QR- og strekkodar når det trengst.
• bruke læringsressursar for opplæring.