Barnehageassistent - grunnleggjande ferdigheiter på jobb

Last ned som PDF, Excel eller Word

Arbeidsoppgåver for barnehageassistentar

• Vere med på å planleggje, gjennomføre og evaluere den pedagogiske verksemda.
• Delta på møte for å kunne gjennomføre det pedagogiske arbeidet.
• Vere med på å skape og oppretthalde god kontakt med foreldra.
• Vere med på å dokumentere arbeidet i avdelinga.
• Ta imot rettleiing frå det pedagogiske personalet.
• Delta på obligatoriske seminar og kurs.
• Delta i endrings- og utviklingsarbeid.
• Bruke digitale verktøy til informasjonssøk og dokumentasjon.

Leseferdigheiter

Kvar dag vil barnehageassistenten

• lese vaktlister og lister for arbeidsfordeling.
• lese skjema som til dømes vekeplan og frammøteskjema.
• lese logg og rutinelogg.
• lese meldingar til og frå kollegaer eller foreldre.
• lese oppslag som til dømes informasjon om turar og andre aktivitetar.
• lese symbol på etikettar på mat, medisinar og vaskemiddel.
• lese barnelitteratur høgt for barn.

Med jamne mellomrom vil barnehageassistenten

• lese informasjonsbrev til foreldra.
• lese informasjonsbrev frå leiinga.
• lese periodeplanar og aktivitetsplanar.
• lese instruksjonar om hygiene og allergiar.

Av og til vil barnehageassistenten

• lese faglitteratur.
• lese rutineskildringar.
• lese opplæringsmateriell i samband med kurs og anna opplæring.
• lese skjema og informasjon som gjeld sitt eige arbeidsforhold.
• lese nyhende som kan påverke arbeidsdagen.
• lese meldingar og e-postar.
• lese rapportar og referat.

Skriveferdigheiter

Kvar dag vil barnehageassistenten

• fylle ut skjema for daglege rutinar.
• føre logg over dagens aktivitetar.
• skrive meldingar til kollegaer og foreldre.
• skrive notat og hugselister.

Med jamne mellomrom vil barnehageassistenten

• fylle ut observasjonsskjema.
• skrive praksisforteljingar.
• skrive informasjon på oppslagstavler.
• fylle ut skjema for å bestille varer.

Av og til vil barnehageassistenten

• fylle ut eigenmeldingar og permisjonssøknader.
• skrive møtereferat.
• fylle ut avviksskjema i samband med alvorlege hendingar.
• skrive plakatar og oppslag.
• skrive tekst til bilete på nett eller i fotoalbum.
• skrive meldingar og e-postar.
• fylle ut skjema som gjeld sitt eige arbeidsforhold.

Munnlege ferdigheiter

Kvar dag vil barnehageassistenten

• snakke med barn, kollegaer og føresette.
• gje og ta imot meldingar og instruksjonar frå kollegaer og foreldre.
• svare på spørsmål frå foreldre og barn.
• helse på og seie ha det til foreldre og barn.
• koordinere det daglege arbeidet med kollegaer.
• diskutere tiltak dersom det oppstår uventa situasjonar.
• rapportere om hendingar i sitt eige skift.
• delta i uformelle samtalar med barn, kollegaer og foreldre.

Med jamne mellomrom vil barnehageassistenten

• diskutere tiltak og planar med og forklare dei for foreldre.
• roe barn og foreldre dersom noko uventa skjer.
• forklare og diskutere for å løyse konfliktar med barn og vaksne.
• forklare spesielle situasjonar for foreldre, kollegaer og overordna.
• delta i diskusjonar om pedagogiske tiltak og arbeidsplanar.
• koordinere planlegging og gjennomføring av spesielle aktivitetar med kollegaer.

Av og til vil barnehageassistenten

• ha medarbeidarsamtalar med leiaren sin.
• skaffe seg og vidareformidle nødvendig informasjon om helsa, kosthaldet og medisinbruken til barna.
• skaffe seg informasjon i samband med ekskursjonar.
• få oppdatering om nye rutinar.
• diskutere og kome med innspel om arbeidstilhøve, arbeidsmiljø og opplæringsbehov.
• formidle synspunkt til ulike mottakarar og diskutere faglege tema i ulike situasjonar.
• varsle om hendingar eller ulukker.

Rekneferdigheiter

Kvar dag vil barnehageassistenten

• telje barna og kontrollere talet for å halde oversikt.
• halde oversikt over si eiga arbeidstid.
• arbeide med matematiske omgrep saman med barn.
• måle opp mengder av ingrediensar ved matlaging.
• blande mengder i riktig forhold.
• leggje til rette for spel og aktivitetar som stimulerer talforståing og matematisk tenking.

Med jamne mellomrom vil barnehageassistenten

• fylle ut timelister.
• handle og føre oversikt over varer og kostnader.
• gjere kostnadsoverslag ved innkjøp.
• måle opp mengder av materiale til aktivitetar.
• vurdere materialbehovet ut frå talet på deltakarar i ein aktivitet.
• vurdere mengder på augemål.

Av og til vil barnehageassistenten

• arbeide med grunnleggjande matematiske ferdigheiter saman med barn.
• måle og notere mengder medisin som eit barn har fått.
• planleggje turar med kollektivtrafikk, rekne tid og velje dei rette billettane.
• kontrollere sin eigen lønsslipp.

Digitale ferdigheiter

Kvar dag vil barnehageassistenten

• bruke e-post for å kommunisere og gjere avtalar med foreldre.
• søkje på internett etter tekst og bilete til barna sine aktivitetar.
• ta bilete av aktivitetar i barnehagen.
• registrere arbeidstida.
• lagre og flytte over bilete frå kamera eller mobilar til andre lagringseiningar.
• bruke og lære opp barna i bruk av nettbrett eller PC.
• bruke interaktive opplæringsprogram.

Med jamne mellomrom vil barnehageassistenten

• leggje inn oppdateringar på heimesidene til barnehagen.
• leggje inn bilete på heimesidene til barnehagen.
• sende og ta imot meldingar og e-postar.

Av og til vil barnehageassistenten

• finne nye matoppskrifter til bruk i barnehagen.
• lære barna korleis dei kan søkje og finne informasjon, musikk, bilete og filmar på internett.
• bruke smarttelefon og nettbrett med forskjellige appar knytte til oppgåver.
• halde seg oppdatert og formidle kunnskap om nettvit.
• bruke internettressursar i pedagogisk arbeid.
• oppdatere og leggje ut innlegg om aktivitetar på sosiale medium.
• lage rapportar og mapper om aktivitetar og barna si utvikling.
• bruke presentasjonsverktøy i foreldregruppemøte.
• halde oversikt over aktivitetar i elektroniske kalendrar.
• bruke ulike digitale møteplassar for samarbeid og kommunikasjon.
• bruke ulike program i opplæringstiltak.
• bruke QR- og strekkodar når det trengst.
• bruke standard kontorprogramvare.