Bilmekanikar – grunnleggjande ferdigheiter på jobb

Last ned som PDF, Excel eller Word

Arbeidsoppgåver for bilmekanikarar

• Gjere service og reparasjonar på bilar.
• Vurdere kva utstyr, materiell og tid som trengst for å gjere ein jobb.
• Dokumentere kvalitet og avvik i arbeidet.
• Bruke tekniske oppslagsverk, arbeidsordrar og teikningar til å planleggje og gjennomføre service og reparasjonar.
• Handsame førespurnader og klager frå kundar og leverandørar.

Leseferdigheiter

Kvar dag vil bilmekanikaren

• lese arbeidsordrar.
• lese informasjon frå ulike fabrikantar om prosedyrar og rettleiingar.
• lese arbeidsteikningar.
• lese informasjon i samband med bestilling og mottak av varer.
• lese skaderapportar.
• lese tekniske oppslgsverk, bruksrettleiingar og anna.
• lese og forstå skriftlege meldingar frå kollegaer og leiarar.

Med jamne mellomrom vil bilmekanikaren

• lese skiftplanar.
• lese datablad.
• sjekke varelager.
• lese verkstadhandbøker.
• lese hyllemerking for å finne rette delar.
• lese meldingar og e-postar.

Av og til vil bilmekanikaren

• lese informasjon frå leiinga om planar og anna.
• lese rutinar og reglar for handtering av avvik.
• lese informasjon om HMS.
• lese opplæringsmateriell.
• lese informasjon som gjeld sitt eige arbeidsforhold.
• lese tryggleiksinformasjon om bruk av verktøy og maskiner.
• lese av og tolke utsleppsverdiar.
• lese informasjon for å bruke rette oljar, væsker og smørjemiddel på køyretøya.

Skriveferdigheiter

Kvar dag vil bilmekanikaren

• skrive logg frå sitt eige skift.
• skrive beskjedar og påminningar til seg sjølv og kollegaer.
• registrere og kvittere for mottekne varer.
• skrive dokumentasjon over utført arbeid.

Med jamne mellomrom vil bilmekanikaren

• fylle ut skjema i samband med avvik og hendingar.
• gje skriftleg informasjon og instruksar til kollegaer og leiarar.
• skrive e-postar og meldingar.
• fylle ut skjema for innsending når ein godkjenner utførte periodiske kontrollar.
• fylle ut skjema over kva for komponentar som er brukte for å dokumentere garantiar.

Av og til vil bilmekanikaren

• fylle ut og kvittere på pakksetlar og rekvisisjonar.
• notere ned nye rutinar.
• skrive opp måleresultat.
• skrive notat og oppgåvesvar i kurssamanheng.
• fylle ut skjema og søknader som har med arbeidet å gjere.
• fylle ut fakturagrunnlag.

Munnlege ferdigheiter

Kvar dag vil bilmekanikaren

• ta imot og svare på førespurnader.
• formidle val av faglege løysingar.
• diskutere tryggleik og miljø.
• rapportere om hendingar i sitt eige skift.
• snakke med kollegaer og leiarar for å koordinere arbeidet.
• delta i lunsj- og pauseprat.

Med jamne mellomrom vil bilmekanikaren

• drøfte ulike løysingar med kollegaer og leiarar.
• drøfte arbeidstid og skiftavvikling.
• handtere informasjon frå kollegaer og leiarar.
• snakke med ekspedisjon og transport.

Av og til vil bilmekanikaren

• få informasjon om nye system, rutinar og produkt
• delta i opplæring.
• få rettleiing om rette arbeidsstillingar og -teknikkar.
• snakke med leiaren om sine eigne arbeidstilhøve og opplæringsbehov.
• diskutere og kome med innspel til verneombodet og dei tillitsvalde.
• presentere ulike produkt og kampanjar for kundane.

Rekneferdigheiter

Kvar dag vil bilmekanikaren

• sjekke at varemengda stemmer med ordrar og bestillingar.
• rekne ut kor mykje utstyr og materiell som trengst til ein jobb.
• vurdere kor mykje tid som vil gå med til service og reparasjonar.
• rekne ut kostnader for reparasjon og service.
• lese av ulike måleinstrument.
• forstå symbol og produktkodelister.

Med jamne mellomrom vil bilmekanikaren

• kontrollere pakksetlar og ordrestadfestingar.
• lage kostnadsoverslag for kundar.
• samanlikne prisar frå ulike leverandørar.
• setje opp fakturagrunnlag.
• fylle ut timelister.

Av og til vil bilmekanikaren

• kontrollere varelager.
• lage tilbodspakkar til kundar.
• kontrollere sin eigen lønsslipp.

Digitale ferdigheiter

Kvar dag vil bilmekanikaren

• bruke databasar til å leite etter produksjonsframlegg og varelager.
• ta utskrifter av rapportar og arbeidsordrar.
• bruke skannar.
• registrere varer og delar inn i systemet.
• bruke ulike dataprogram.
• handtere kortterminalar.
• bruke timeregistrering.
• lage kostnadsoversikt og pristilbod.
• bruke ulike verktøy til å diagnostisere bilen.
• bruke ulike verktøy til å endre oppsettet på ein bil.

Med jamne mellomrom vil bilmekanikaren

• sjekke vareinformasjon.
• sende og ta imot meldingar og e-postar.
• registrere mottekne varer.
• bruke smarttelefon og nettbrett med ulike appar knytte til oppgåver.
• bruke standard kontorprogramvare.

Av og til vil bilmekanikaren

• dokumentere hendingar og avvik.
• bruke nettsidene til ulike leverandørar til å bestille varer.
• oppdatere HMS-kunnskapen sin.
• bruke ulike digitale møteplassar for samarbeid og kommunikasjon.
• oppdatere seg på ISO-godkjenningar.
• bruke sosiale medium for å halde seg oppdatert og reklamere for si eiga verksemd.
• sjekke tryggleiks- og produktdatablad.
• bruke QR- og strekkodar.
• bruke ulike program i opplæringstiltak.