Blekkslagar - grunnleggjande ferdigheiter på jobb

Last ned som PDF, Excel eller Word

Arbeidsoppgåver for blekkslagarar

• Utføre oppdrag etter arbeidsordre på byggjeplassar eller hos kundar.
• Planleggje, utføre og kontrollere blekkslagararbeid.
• Gjennomføre eigenkontroll av utført arbeid.
• Kommunisere med andre aktørar som til dømes kollegaer, andre handverkarar, byggjeplassleiinga, leverandørar og kundar.
• Bruke e-post for å kommunisere med arbeidsgjevaren, oppdragsgjevarar og leverandørar.
• Ha kunnskap om interne prosedyrar, standardar og lovverk, og følgje dei.
• Bestille varer etter materiallister frå leverandørar.

Leseferdigheiter

Kvar dag vil blekkslagaren

• lese arbeidsteikningar.
• lese korte notat og instruksjonar, eigne og andre sine hugselappar.
• lese informasjon i kontrollplanar og sjekklister.
• lese skilt og oppslag.
• lese meldingar og e-postar.

Med jamne mellomrom vil blekkslagaren

• lese skildringar og instruksjonar i samband med arbeidet.
• lese pakksetlar og sjekke at dei stemmer med varene som er leverte.
• lese lister over verktøy og utstyr som krevst for ulike arbeidsoperasjonar.
• lese HMS-informasjon, brosjyrar, datablad og oppslag.
• lese interne rutinar og instruksar.
• lese detaljerte jobbspesifikasjonar.
• lese miljø- og avfallsplanar.

Av og til vil blekkslagaren

• lese utdrag frå lover og forskrifter.
• lese tekniske føresegner.
• lese informasjon og skjema som gjeld sitt eige tilsetjingsforhold.
• lese vegforklaringar.
• lese opplæringsmateriell i samband med kurs og anna opplæring.

Skriveferdigheiter

Kvar dag vil blekkslagaren

• føre oversikt over sine eigne timar.
• føre køyrebok.
• skrive meldingar og e-postar.
• fylle ut skjema og sjekklister for kvalitet og avvik i arbeidet.

Med jamne mellomrom vil blekkslagaren

• setje opp lister over kva verktøy og utstyr som trengst til eit oppdrag.
• skrive notat og hugselappar til seg sjølv og andre.
• kvittere for mottak av varer.

Av og til vil blekkslagaren

• skrive korte rapportar, endrings- og avviksmeldingar.
• setje opp oversikt over utført arbeid.
• skrive arbeidsordrar og dokumentere tilleggsbestillingar.
• fylle ut og dokumentere etter sertifiseringskrav og ISO-standardar.
• fylle ut eigenmeldingar og sjukemeldingar.
• fylle ut skjema som gjeld sitt eige arbeidsforhold, feriesøknader og lønskrav.
• skrive grunnlag for tilbod og fakturaer.
• fylle ut avviksskjema i samband med alvorlege hendingar.

Munnlege ferdigheiter

Kvar dag vil blekkslagaren

• snakke med andre for å koordinere arbeidet.
• rapportere munnleg om framdrift til leiaren og arbeidsgjevaren sin.
• få instruksjonar og diskutere arbeidet med overordna.
• gjere avtalar med kundar om framdrift og skildre arbeidet.
• snakke med oppdragsgjevarar og kundar om val av ulike løysingar.

Med jamne mellomrom vil blekkslagaren

• snakke med leverandørar.
• ta imot opplæring og instruksjonar.
• delta på ulike møte.
• diskutere planar og teikningar/detaljløysingar med andre.
• delta i lunsj- og pauseprat.

Av og til vil blekkslagaren

• bestille delar og utstyr frå leverandørar.
• diskutere sine eigne arbeidstilhøve.
• delta i formell opplæring og sertifisering.
• varsle om akutte hendingar eller ulukker.
• seie frå dersom noko er uklart.
• orientere nytilsette og vikarar om arbeidsrutinar.
• ha ein medarbeidarsamtale med leiaren sin.

Rekneferdigheiter

Kvar dag vil blekkslagaren

• ta mål av beslag og ventilasjonskomponentar og lage underlag for produksjon.
• bruke arbeidsteikningar og rekne om til full storleik.
• rekne ut kor mykje materiell som vil gå med til ein jobb.
• rekne ut og registrere kor mykje tid som blir brukt på ein jobb.

Med jamne mellomrom vil blekkslagaren

• lage skisser for produksjon på eigen verkstad.
• programmere ei datastyrt knekkjemaskin.
• setje opp oversikter over materiellforbruk.
• halde oversikt over varelager.
• samanlikne prisar frå ulike leverandørar.
• rekne ut akkordløn med utgangspunkt i ein tariff.
• kontrollere sin eigen lønsslipp.
• rekne ut reisetider ved hjelp av kart, vegbok eller GPS.
• gjere kostnadsoverslag for ein kunde.

Av og til vil blekkslagaren

• rekne ut luftbehovet i eit lokale.
• rekne ut slumpakkord for ein jobb.
• vurdere kva mannskap som trengst ut frå framdriftsplanen og arbeidsmengda.
• kontrollere varelager.
• rekne ut køyregodtgjersle.
• lage overslag over kostnader på større oppdrag.

Digitale ferdigheiter

Kvar dag vil blekkslagaren

• programmere datastyrte maskiner.
• søkje på internett og intranett.
• føre oversikt over sin eigne aktivitetar i kalendrar.
• skrive elektroniske avviksrapportar.
• sende og ta imot meldingar og e-postar.
• kommunisere med arbeidsgjevaren og kundar via digitale verktøy.

Med jamne mellomrom vil blekkslagaren

• sende inn opplysningar om utførte oppdrag til arbeidsgjevaren.
• dokumentere utført arbeid digitalt.
• sende e-postar med vedlegg..
• bruke ulike dataprogram som er knytte til arbeidsoppgåver
• søkje etter og svare på førespurnader om oppdrag på internett.
• spore varer og finne leveringstider.
• bruke smarttelefon og nettbrett med forskjellige appar knytte til oppgåver.

Av og til vil blekkslagaren

• leggje inn kontraktar og lagre dei elektronisk.
• ta bilete for å dokumentere avvik eller utført arbeid.
• bruke rekneark til diverse utrekningar.
• bruke GPS for å finne fram til rett destinasjon.
• søkje på internett etter produktinformasjon, lover og reglar.
• bruke e-læringsprogram for å fornye sertifiseringar.
• bruke digitale teikneprogram.
• bruke sosiale medium for å reklamere for si eiga verksemd.
• oppdatere elektronisk køyrebok.
• bruke ulike digitale møteplassar for samarbeid og kommunikasjon.
• bruke standard kontorprogramvare.
• bruke QR- og strekkodar når det trengst.