Bussjåfør - grunnleggjande ferdigheiter på jobb

Last ned som PDF, Excel eller Word

Arbeidsoppgåver for bussjåførar

• Sørgje for å frakte gods og passasjerar til rett destinasjon så presist og trygt som mogeleg.
• Hjelpe passasjerar når det trengst.
• Følgje trafikkreglar, køyre trafikksikkert og vurdere trafikkbiletet.
• Forsikre seg om at bussen er i forskriftsmessig teknisk stand.

Det vil vere ein del ulikskapar mellom arbeidsoppgåvene til bussjåførar i byen og på landet.

Leseferdigheiter

Kvar dag vil bussjåføren

• kontrollere billettar og annan reisedokumentasjon.
• sjekke identitetskort og studentbevis.
• lese skilt og instruksar i trafikken.
• oppdatere seg på køyretilhøva.
• finne fram i lister over vognnummer og rutenummer.
• lese informasjon om passasjerar og bestillingar.
• lese meldingar eller loggar frå tidlegare skift.
• lese av fartsskrivarar ved lange turar og turar utanom faste skift.
• lese symbol og meldingar på displayet til digitale fartsskrivarar.

Med jamne mellomrom vil bussjåføren

• sjekke notat i loggboka for bussen.
• lese informasjon om ruteendringar og nye rutinar.
• lese avviksmeldingar.
• lese rapportar frå verkstaden.
• lese ruteforklaringar i kart eller GPS.
• lese lister over kodar for ruter og skift.
• lese meldingar om feil på køyrecompu.teren
• lese skiftplanar.
• lese meldingar og e-postar.

Av og til vil bussjåføren

• kontrollere reglar og lovverk i sjåførhandboka.
• lese opplæringsmateriell og interaktive læring.sprogram
• setje seg inn i nye ruter.
• slå opp i tekniske handbøker.
• lese sendingsinformasjon på bagasje og pakkar.
• lese tryggleiksinformasjon og rutinar for å køyre trygt.
• lese i kvalitetshandboka på intranettet og lenkjer til regelverk.
• lese informasjon som gjeld arbeidet.
• lese køyre- og kviletidsføresegnene.
• lese oppdatert informasjon og reglar som gjeld sertifiseringskrav.
• lese informasjon og skjema om sitt eige arbeidsforhold.

Skriveferdigheiter

Kvar dag vil bussjåføren

• loggføre sitt eige skift.
• registrere passasjerar og bestillingar.
• logge oppgjer.

Med jamne mellomrom vil bussjåføren

• loggføre tekniske problem og avvik.
• rapportere hendingar til overordna.
• skrive informasjonslappar om hittegods.
• skrive meldingar og e-postar.

Av og til vil bussjåføren

• rapportere og dokumentere skadar på materiell eller menneske.
• rapportere om og dokumentere hærverk og tjuveri.
• vidareformidle klager frå passasjerar.
• rapportere feilmeldingar frå køyrecomputeren til trafikkleiaren.
• skrive avviksmeldingar.
• skrive notat og oppgåvesvar i samband med opplæring.
• fylle ut skjema som gjeld sitt eige arbeidsforhold.

Munnlege ferdigheiter

Kvar dag vil bussjåføren

• helse på passasjerar på ein hyggjeleg måte.
• be om å få sjå reisedokumentasjon eller ta imot betaling.
• annonsere stoppestader og moglegheiter for overgang.
• gje instruksjonar og forklaringar til passasjerar over høgtalaranlegget.
• svare på spørsmål frå passasjerane.
• kommunisere med andre sjåførar med internt kommunikasjonsutstyr.
• gje beskjed om eventuelle hendingar i sitt eige skift i samband med vaktskifte.

Med jamne mellomrom vil bussjåføren

• melde frå om problem under køyring og be om hjelp.
• løyse konfliktar med passasjerar.
• handtere uventa situasjonar.
• handtere kritikk på ein konstruktiv måte.
• svare på spesielle førespurnader.
• ta imot meldingar og instruksar frå overordna.
• delta i lunsj- og pauseprat.

Av og til vil bussjåføren

• kommunisere med overordna om behov for informasjon eller assistanse.
• handtere nødssituasjonar.
• høyre på opplæring i nye rutinar og regelverk.
• samarbeide og snakke med andre som deltek i opplæring.
• delta i møte og kome med innspel.
• ha ein medarbeidarsamtale med leiaren sin.
• varsle om hendingar eller ulukker.

Rekneferdigheiter

Kvar dag vil bussjåføren

• sjekke om billettar og annan reisedokumentasjon er gyldige i reisetida.
• kontrollere alder og om identitetskort for aldersavhengige rabattar er gyldige.
• kontrollere betaling og gje rette vekslepengar.
• kontrollere kontantbehaldninga mot talet på selde billettar på slutten av skiftet.
• rekne ut rabattar.
• rekne ut pris for heile grupper.
• lese av og vurdere numerisk informasjon frå instrument på dashbordet.
• sørgje for at bussen held rutetidene ved kvart stopp.

Med jamne mellomrom vil bussjåføren

• loggføre si eiga køyring.
• rekne ut når bussen vil komme til ein stad.
• sjekke lufttrykket i dekka og fylle på rett mengd luft ved behov.
• måle mønsterdjupna og vurdere om ho er god nok.
• lese og finne fram i kart, GPS eller vegbok.
• vurdere høgda og lengda på køyretøyet fo.r å køyre trygt.

Av og til vil bussjåføren

• vurdere om talet på passasjerar er høgare enn lova tillèt.
• vurdere og melde frå om tekniske avvik.
• kontrollere sin eigen lønsslipp.
• vurdere oppdrag og vidare køyring ut frå køyre- og kviletidsføresegnene.

Digitale ferdigheiter

Kvar dag vil bussjåføren

• bruke ei skiltkasse med destinasjonsoversikt.
• lese av instrument på dashbordet i bussen.
• loggføre sitt eige skift.
• bruke billetteringssystem.
• bruke fartsskrivar.

Med jamne mellomrom vil bussjåføren

• bruke GPS til å finne fram og vurdere framkomsttider.
• levere rekneskap.
• lese og bruke digitale timelister.
• sende meldingar og e-postar.
• skrive logg for bruk av verkstaden.
• bruke smarttelefon og nettbrett med forskjellige appar knytte til oppgåver.

Av og til vil bussjåføren

• dokumentere avvik og ulukker via intranettet.
• ta bilete for å dokumentere uhell og liknande.
• lagre bilete som dokumentasjon.
• finne fram til HMS-regelverk og krav til kviletider og anna via internett eller intranettet.
• loggføre hendingar ved hjelp av meldingar eller e-postar med vedlegg.
• sende og fylle ut kontraktar digitalt.
• bruke ulike læringsressursar..
• oppdatere seg på ISO-godkjenningar og EU/EØS-regelverket.
• hjelpe kundar med elektroniske betalingstenester.
• bruke ulike digitale møteplassar for samarbeid og kommunikasjon.
• bruke QR- og strekkodar når det trengst.