Elektrikar - grunnleggjande ferdigheiter på jobb

Last ned som PDF, Excel eller Word

Arbeidsoppgåver for elektrikarar

• Lese bygningsteikningar, planar og instruksar.
• Vurdere kva utstyr og materiell og kor mykje tid som trengst for å gjere ein jobb.
• Montere elektriske anlegg som skildra i bygningsteikningar.
• Følgje produkt- og montasjerettleiingar.
• Dokumentere kvalitet og avvik i arbeidet.
• Følgje HMS-rutinar.
• Kommunisere med kundar og kollegaer for å gjere ein jobb.
• Instruere i korleis nytt utstyr skal brukast.

Leseferdigheiter

Kvar dag vil elektrikaren

• lese bygningsteikningar, arbeidsordrar og planar.
• lese merkenamn og modellnummer på artiklar.
• lese skilt og tryggleiksinstruksjonar.
• lese og kontrollere lister over delar og serienummer.
• lese av måleresultat frå elektronisk måleverktøy.
• lese meldingar og e-postar.

Med jamne mellomrom vil elektrikaren

• lese skildringar og installasjonsinstruksar som har med arbeidet å gjere.
• lese HMS-informasjon.
• lese detaljerte arbeidsinstruksjonar.
• lese detaljerte jobbspesifikasjonar.
• lese opplæringsmateriell for sertifisering.
• lese produkt- og montasjerettleiingar frå produsentar.

Av og til vil elektrikaren

• lese utdrag frå lovverk, forskrifter og standardar.
• lese informasjon som gjeld sitt eige arbeidsforhold.
• lese miljø- og avfallsplanar.
• lese kart og GPS.
• lese dokument og pakksetlar ved mottak av varer.
• lese bedrifta sine interne prosedyrar og instruksar.

Skriveferdigheiter

Kvar dag vil elektrikaren

• skrive korte notat og kvittere på skjema.
• fylle ut skjema om kvalitet og avvik i arbeidet.
• loggføre og dokumentere sitt eige arbeid.
• skrive korte instruksjonar når ein bestiller delar.
• skrive samsvarserklæringar for utført arbeid.
• fylle ut timelister og arbeidstidsskjema.

Med jamne mellomrom vil elektrikaren

• skrive korte meldingar og instruksar.
• lage oversikter over brukt materiell.
• skrive fakturagrunnlag.
• fylle ut arbeidslister.
• skrive detaljerte lister over utstyr og verktøy som trengst til ei oppgåve.
• fylle ut arbeidsordrar og tilleggsbestillingar som kunden skal godkjenne.
• skrive meldingar og e-postar.

Av og til vil elektrikaren

• fylle ut skjema for å kartleggje risiko.
• utarbeide dokumentasjon og korte rapportar som dokumenterer at arbeid er gjort etter dei gjeldande standardane.
• skrive notat eller forklaringar ved opplæring og kurs.
• svare skriftleg på spørjeskjema.
• fylle ut avviksskjema i samband med alvorlege hendingar.
• fylle ut skjema som gjeld sitt eige arbeidsforhold.

Munnlege ferdigheiter

Kvar dag vil elektrikaren

• skildre arbeidet og gjere avtalar med kundar om tid og kostnader.
• samarbeide og koordinere med andre aktørar på same byggjeplass.
• kommunisere med kollegaer om daglege oppgåver.
• rapportere om framgangen i arbeidet.
• delta i lunsj- og pauseprat.
• høyre på forklaringar av arbeidsplanen for dagen.

Med jamne mellomrom vil elektrikaren

• snakke med forskjellige leverandørar for å innhente tilbod på varer og tenester.
• høyre på og svare på munnlege instruksjonar og delta i opplæring.
• ta imot korte instruksar og diskutere arbeidet med overordna og kollegaer.
• forklare for kundane korleis dei kan bruke elektriske artiklar på rett måte.
• diskutere og føreslå endringar i planar.

Av og til vil elektrikaren

• diskutere problem med framgangsmåtar eller utføring med arbeidsleiarar eller andre aktørar.
• forklare og diskutere med kundar når det gjeld materialval og korleis ein skal løyse problem.
• diskutere spørsmål med andre underleverandørar når det oppstår problem.
• svare på munnlege spørsmål i opplæring og trening.
• snakke med personar som er involverte i oppfølginga av lærlingar.
• diskutere og kome med innspel om arbeidsmiljøet.
• varsle om og kommunisere omkring hendingar eller ulukker.
• ha ein medarbeidarsamtale med leiaren sin.

Rekneferdigheiter

Kvar dag vil elektrikaren

• gjere kostnadsoverslag.
• rekne ut totalsummar for oppdrag, med og utan moms.
• kjenne att rett utgåve og tolke serienummer på utstyr.
• måle og registrere storleikar.
• vurdere kor mykje tid det vil ta å utføre ein jobb.
• bruke målestokk.
• tolke arbeidsteikningar.
• rekne ut mengder som trengst for å gjere ein jobb.

Med jamne mellomrom vil elektrikaren

• kontrollere sin eigen lønsslipp.
• halde oversikt over varelager.
• rekne ut kor mykje materiell som trengst til ein jobb.
• samanlikne prisar frå ulike leverandørar.
• fylle ut timelister.
• rekne ut køyreavstand.
• bruke kart, GPS og vegbok for å rekne ut avstandar og finne dei beste rutene.
• kontrollere rekningar og fakturaer.
• setje opp fakturagrunnlag.

Av og til vil elektrikaren

• rekne ut si eiga akkordløn.
• velje akkord eller anbod.
• rekne ut kor mykje materiell som trengst og storleiken på prosjekt.
• vurdere kva mannskap som trengst ut frå framdriftsplanen og arbeidsmengda.
• kontrollere varelager.

Digitale ferdigheiter

Kvar dag vil elektrikaren

• kommunisere med arbeidsgjevaren og kundar via digitale verktøy.
• leggje inn og sjekke oppdrag og avtalar i kalenderen.
• gjere avtalar med kundar via e-post og meldingar.
• bestille delar frå fjernlager og leverandørar via internett.
• bruke elektronisk utstyr til å gjere målingar.
• søkje etter informasjon og instruksjonar på internett og intranettet.

Med jamne mellomrom vil elektrikaren

• fylle inn opplysningar om utførte oppdrag i elektroniske skjema.
• sjekke leveringstider og leveringsvilkår hos forskjellige leverandørar via internett.
• sende e-postar med vedlegg.
• fylle ut elektroniske timelister.
• kontrollere at elektronisk fakturagrunnlag er rett.
• sjekke lagerstatus i elektronisk lagerbehaldning.
• spore varer og finne leveringstider.
• sjekke anbodstenester på internett.
• bruke smarttelefon og nettbrett med forskjellige appar knytte til oppgåver.
• bruke ulike føremålstenlege dataprogram.
• ta bilete som dokumentasjon.
• bruke ulike læringsressursar.

Av og til vil elektrikaren

• sjekke standardar og lover i elektroniske basar.
• sende inn anbod – prisoverslag som vedlegg til e-post.
• bruke utrekningsverktøy for å endre og vurdere anbod.
• skrive kontraktar og lagre dei i elektroniske arkiv.
• melde ombygging/nyanlegg for godkjenning via elektroniske skjema.
• bruke sosiale medium for å halde seg oppdatert og reklamere for si eiga verksemd.
• oppdatere elektronisk køyrebok.
• bruke standard kontorprogramvare.
• samanlikne prisar hos ulike leverandørar.
• bestille varer for levering til kundar i samband med større oppdrag.
• bruke ulike digitale møteplassar for samarbeid og kommunikasjon.
• bruke QR- og strekkoder ved behov.