Frisør - grunnleggjande ferdigheiter på jobb

Last ned som PDF, Excel eller Word

Arbeidsoppgåver for frisørar

• Klippe, style og rettleie kundar.
• Byggje kunderelasjonar.
• Rydde og vaske.
• Bestille varer og føre lagerlister.
• Arbeide som del av eit team.
• Arbeide hygienisk og effektivt.

Leseferdigheiter

Kvar dag vil frisøren

• lese vaktlister.
• lese produktinformasjon på varer.
• lese og kontrollere betalingskort.
• lese dokument og pakksetlar ved mottak av varer.
• lese produktinnhaldslister for å sjekke allergen og produktinnhald.
• lese timeavtalar.
• lese meldingar frå kundar.

Med jamne mellomrom vil frisøren

• lese innlegg og artiklar som gjeld frisøryrket, for å halde seg oppdatert.
• lese og forstå tilbod og informasjon om varer frå ulike leverandørar.
• sjekke leveringstider og varebehaldninga på lager.
• lese e-post.
• lese informasjon om avfallsrutinar for ulike produkt.

Av og til vil frisøren

• lese informasjon som gjeld sitt eige arbeidsforhold.
• lese planar for kampanjar og spesialtilbod til kundane.
• lese innlegg og reaksjonar på sosiale medium.
• lese rutinar og reglar for handtering av avvik.
• lese HMS-informasjon.
• lese og kontrollere fakturagrunnlag.
• lese faglitteratur i samband med kurs og anna opplæring.
• lese bruksrettleiingar og introduksjonar for ulike kjemikaliar.

Skriveferdigheiter

Kvar dag vil frisøren

• skrive beskjedar og påminningar til seg sjølv og andre.
• kvittere for og registrere mottekne varer.
• dokumentere at rutinar for produkt- og avfallshandtering er gjennomførte på rett vis.
• skrive inn avtalar i ein kalender.

Med jamne mellomrom vil frisøren

• notere førespurnader frå kundar og leverandørar.
• fylle ut skjema i samband med avvik og reklamasjonar.
• skrive meldingar og e-postar til kundar og andre.
• fylle ut bestillingslister.

Av og til vil frisøren

• notere nye rutinar.
• skrive oppslag og skilt med informasjon til kundar.
• dokumentere avvik og hendingar i sitt eige arbeid.
• skrive notat og oppgåvesvar i kurssamanheng.
• fylle ut skjema og søknader som gjeld sitt eige arbeidsforhold.
• skrive innlegg og svare på meldingar på sosiale medium.

Munnlege ferdigheiter

Kvar dag vil frisøren

• ta imot og svare på førespurnader.
• forstå kor viktig det er å yte service og kjenne til ulike kommunikasjonssituasjonar.
• formidle bransjekunnskap til kundar.
• rettleie og finne fram til kva kundane treng.
• presentere ulike produkt og kampanjar for kundane.
• rapportere munnleg om hendingar under sitt eige skift.
• snakke med kollegaer og leiarar for å koordinere arbeidet.
• informere kundar om medlemsfordelar.

Med jamne mellomrom vil frisøren

• ta imot og handsame klager og reklamasjonar frå kundar.
• drøfte arbeidstid og skiftavvikling.
• få informasjon frå kollegaer og leiarar.
• snakke med distributørar og leverandørar.
• rettleie kundar om bruk av betalingsløysingar.
• informere om allergeninnhald i produkt.

Av og til vil frisøren

• få informasjon om nye system, rutinar og produkt
• delta i opplæring.
• få rettleiing om riktige arbeidsstillingar og arbeidsteknikkar.
• snakke med ein leiar om sine eigne arbeidstilhøve og opplæringsbehov.
• diskutere og kome med innspel til verneombodet og dei tillitsvalde.
• rapportere munnleg om hendingar i sitt eige skift til leiarar eller kollegaer.
• handtere misnøgde kundar.
• kunne handtere ulike situasjonar.
• ha ein medarbeidarsamtale med leiaren sin.

Rekneferdigheiter

Kvar dag vil frisøren

• sjekke at varemengda stemmer med fakturaen ved leveransar.
• telje og kontrollere betaling og vekslepengar når ein ekspederer kundar.
• rekne ut rett mengd produkt til ein kunde.
• forstå symbol og produktkodelister.
• kontrollere kassa ved vaktskifte eller på slutten av dagen.
• kontrollere utløpsdatoen på ulike varer.
• plassere varer i rett rekkjefølgje etter dato.
• sjekke avtalene for dagen.
• vurdere kor mykje tid som vil gå med til ulike kundar ut frå typen behandling.

Med jamne mellomrom vil frisøren

• kontrollere sin eigen lønsslipp.
• fylle ut timelister.
• rekne ut prisar og avslag som er gjevne i prosent.
• kontrollere fakturaer.
• vurdere tilbod frå ulike leverandørar.
• kontrollere og vurdere prisar på varer.

Av og til vil frisøren

• kontrollere varelager.
• rekne ut sin eigen skatt eller sine eigne feriepengar.
• gjere overslag over mengder ved innkjøp.

Digitale ferdigheiter

Kvar dag vil frisøren

• søkje i databasar.
• ha oversikt over kundeavtalar.
• registrere og kontrollere varer.
• bruke timeregistrering.
• bruke ulike betalingsløysingar.

Med jamne mellomrom vil frisøren

• sjekke vareinformasjon.
• bestille varer.
• registrere mottekne varer.
• leggje inn kundedata i salongen sine register.
• sende og ta imot meldingar og e-postar.
• bruke smarttelefon og nettbrett med forskjellige appar knytte til oppgåver.

Av og til vil frisøren

• ta bilete for å dokumentere hendingar eller avvik.
• bruke tenestene til banken for å levere oppgjer.
• finne HMS-informasjon.
• søkje på internett for å sjekke om varer kan innehalde skadelege stoff.
• bruke ulike opplæringsressursar.
• bruke sosiale medium for å reklamere for si eiga verksemd.
• halde seg oppdatert på miljøkrav som gjeld for avfallshandtering.
• bruke QR- og strekkodar når det trengst.
• bruke sosiale medium for å halde seg oppdatert på trendar.
• bruke standard kontorprogramvare.
• bruke ulike digitale møteplassar for samarbeid og kommunikasjon.