Helsesekretær – grunnleggjande ferdigheiter på jobb

Last ned som PDF, Excel eller Word

Arbeidsoppgåver for helsesekretærar

• Drive med førebyggjande helsearbeid.
• Dei vanlegaste undersøkingsmetodane, laboratoriearbeid og skiftestove- og assistansearbeid.
• Rettleie pasientar, brukarar og pårørande om ulike instansar i helse- og sosialtenesta.
• Gjere tiltak som fremjar helse, service og trivsel.

Leseferdigheiter

Kvar dag vil helsesekretæren

• lese skilt, logoar og symbol på medikament.
• lese vaktlister.
• lese meldingar frå kollegaer og leiarar.
• lese vekeplanar.
• lese timeavtalar.
• lese diverse oppslag.
• lese resultat frå laboratoriearbeid.
• lese meldingar og e-postar.

Med jamne mellomrom vil helsesekretæren

• lese ulike skjema.
• lese pasientdokumentasjon.
• lese og orientere seg i faglitteratur.

Av og til vil helsesekretæren

• lese HMS-informasjon.
• lese kvalitetskrav som gjeld korleis yrket skal utøvast.
• lese skjema og informasjon som gjeld sitt eige arbeidsforhold.
• lese informasjonsskriv frå leiinga.
• lese ulike tekstar i samband med opplæring.

Skriveferdigheiter

Kvar dag vil helsesekretæren

• fylle ut skjema.
• skrive rapportar i journalen.
• skrive meldingar til kollegaer, leiinga og pårørande.
• skrive inn timeavtalar.
• skrive ned resultat frå laboratoriearbeid.

Med jamne mellomrom vil helsesekretæren

• fylle ut timelister.
• fylle ut bestillingslister.
• bestille svar på medisinske testar.
• skrivemeldingar og e-postar.
• kvittere for mottekne varer.

Av og til vil helsesekretæren

• fylle ut skjema som gjeld sitt eige arbeidsforhold.
• skrive oppslag.
• sende tilvisingar til ulike instansar i helsevesenet.

Munnlege ferdigheiter

Kvar dag vil helsesekretæren

• høyre etter kva pasienten ønskjer og treng.
• høyre på instruksar frå leiarar eller andre kollegaer.
• småprate med pasientar.
• ta imot beskjedar frå kollegaer.
• høyre på rapportering.
• gje rapport til kollegaer.
• be om hjelp frå kollegaer og forklare kva ein treng hjelp til.
• prate med leiarar og kollegaer om arbeidsoppgåvene og planane for dagen.
• ta imot telefonbeskjedar.

Med jamne mellomrom vil helsesekretæren

• snakke med pårørande om pasienten.
• snakke med kollegaer om pasienten.
• delta i lunsj- og pauseprat.

Av og til vil helsesekretæren

• snakke med leiarar og kollegaer om sin eigen arbeidssituasjon.
• kommunisere med pasientar i ulike livssituasjonar.
• informere om pasientrettar.
• bruke ulike konflikthandteringsstrategiar.
• bruke rett fagterminologi.
• gjere greie for kjenneteikn på god allmenntilstand.
• gje rettleiing om følgjer av legemiddelbruk.
• ha ein medarbeidarsamtale med den næraste leiaren sin.

Rekneferdigheiter

Kvar dag vil helsesekretæren

• måle opp og porsjonere ut legemiddel.
• rekne ut resultat frå laboratoriearbeid.
• setje opp avtalar.
• registrere betaling for legebesøk.

Med jamne mellomrom vil helsesekretæren

• kontrollere varelager.
• bestille varer.
• kontrollere sin eigen lønsslipp.
• ta kassaoppgjer.
• kontrollere datoen på ulike produkt.
• forstå symbol og produktkodelister.

Av og til vil helsesekretæren

• lese statistikk, tabellar og grafar.
• vurdere blandingsforhold ein møter på i arbeidet sitt.
• gjere overslag i samband med innkjøp.

Digitale ferdigheiter

Kvar dag vil helsesekretæren

• sjekke møte og avtalar.
• registrere arbeidstid.
• rapportere via journal.
• registrere resultat frå laboratoriearbeid.
• bruke standard kontorprogramvare.
• logge inn i ulike tenester.
• sende og ta imot meldingar og e-postar.

Med jamne mellomrom vil helsesekretæren

• finne skjema som gjeld sitt eige arbeidsforhold.
• finne oppdatert informasjon frå heimesidene til kommunen.
• finne fram tiltaksplanar i journalar.
• sende e-postar med vedlegg.

Av og til vil helsesekretæren

• sjekke HMS-rutinar på nettet.
• bruke ulike program i opplæringstiltak.
• bruke ulike digitale møteplassar for samarbeid og kommunikasjon.
• bruke smarttelefon og nettbrett med ulike appar knytte til oppgåver.
• bruke QR- og strekkodar når det trengst.
• hjelpa kundar med betalingstenester.