Pleieassistent - grunnleggjande ferdigheiter på jobb

Last ned som PDF, Excel eller Word

Arbeidsoppgåver for pleieassistent

• Vere med på å planleggje og fordele arbeidsoppgåver.
• Førebu og servere måltid.
• Rydde og reie opp sengene til bebuarar.
• Delta i det daglege stellet av bebuarar.
• Følgje bebuarar til aktivitetar og avtalar.
• Snakke med bebuarar.
• Bestille matvarer og utstyr.
• Delta på møte og andre aktivitetar.
• Hjelpe til med ulike praktiske oppgåver på avdelinga.

Leseferdigheiter

Kvar dag vil pleieassistenten

• lese skilt og symbol.
• lese menyar.
• lese vaktlister.
• lese ulike planar for stell.
• lese meldingar frå kollegaer, pårørande og leiarar.
• lese vekeplanar.
• lese timeavtalar.
• lese vaktskifterapportar og loggar i journalen.
• lese diverse oppslag.

Med jamne mellomrom vil pleieassistenten

• lese ingredienslister og åtvaringar med tanke på allergiar og intoleransar.
• lese tiltaksplanar for bebuarar.
• lese informasjon om turar og andre sosiale aktivitetar.
• lese ulike informasjonsskriv som har med arbeidsoppgåver å gjere.
• lese aktivitetsplanar.
• lese aviser, vekeblad og bøker for bebuarar.

Av og til vil pleieassistenten

• lese HMS-instruksar for hygiene og brann.
• lese skjema og informasjon om rettar og pliktar.
• lese opplæringsmateriell i samband med kurs og anna opplæring.
• lese meldingar og e-postar.
• lese journalopplysningar om bebuarar.

Skriveferdigheiter

Kvar dag vil pleieassistenten

• fylle ut skjema.
• skrive rapportar i journalen.
• skrive meldingar til kollegaer, leiinga eller pårørande.
• skrive inn avtalar i ein kalender.
• notere ned informasjon ved vaktskifte.

Med jamne mellomrom vil pleieassistenten

• fylle ut bestillingslister.
• kvittere ut, signere og attestere på skjema.

Av og til vil pleieassistenten

• fylle ut ulike skjema, til dømes om teieplikt.
• fylle ut ulike skjema som gjeld sitt eige arbeidsforhold.
• skrive møtereferat.
• skrive oppslag og informasjonsskriv.
• fylle ut avviksskjema i samband med alvorlege hendingar.
• skrive notat og oppgåvesvar i samband med opplæring.
• skrive meldingar og e-postar.

Munnlege ferdigheiter

Kvar dag vil pleieassistenten

• høyre på bebuarane sine ønske og behov.
• høyre på instruksar frå leiarar eller andre kollegaer.
• småprate med bebuarar om vêret og daglegdagse rutinar.
• prate med bebuarar om menyen, aktivitetane og avtalar for dagen.
• ta imot meldingar frå kollegaer og pårørande.
• høyre på rapportering frå det førre skiftet.
• gje rapport til kollegaer ved vaktskifte.
• informere bebuarar om avtalane for dagen.
• be om hjelp frå kollegaer og forklare kva ein treng hjelp til.
• prate med leiarar og kollegaer om arbeidsoppgåvene og planane for dagen.

Med jamne mellomrom vil pleieassistenten

• gje bebuarar informasjon om aktivitetane for veka.
• snakke i telefonen, ta imot og gje beskjedar.
• snakke med pårørande om bebuarane sin tilstand og trivsel.
• snakke med bebuarar og kollegaer om sosiale aktivitetar.

Av og til vil pleieassistenten

• snakke med leiarar og kollegaer om sin eigen arbeidssituasjon.
• snakke med kollegaer, bebuarar, pårørande og andre involverte ved dødsfall.
• ha ein medarbeidarsamtale med leiaren sin.
• føreslå endringar i oppgåver og arbeidsmetodar.
• melde frå om sjukdom og fråvær.
• varsle om akutte hendingar eller ulukker.

Rekneferdigheiter

Kvar dag vil pleieassistenten

• halde oversikt over væskeinntaket til bebuarane.
• halde oversikt over tidsbruken til pleie, matlaging og aktivitetar for bebuarar.
• setje saman riktige matporsjonar som er tilpassa etter kva bebuarane treng.

Med jamne mellomrom vil pleieassistenten

• vege og måle temperaturen til bebuarane.
• fylle ut timelister.
• rekne ut og kontrollere at timelistene er rette og stemmer med lønsslippen.
• kontrollere varelager.
• gjere overslag over varebehaldninga på nærlager i samband med bestillingar.
• kontrollere fakturaer.
• rekne ut tidsbruk for oppgåver og aktivitetar.

Av og til vil pleieassistenten

• rekne ut sin eigen skatt eller sine eigne feriepengar.
• måle opp mengder av materiale til aktivitetar.
• rekne ut tidsbruk ved køyring mellom bebuarar.
• kontrollere sin eigen lønsslipp.

Digitale ferdigheiter

Kvar dag vil pleieassistenten

• sjekke møte og avtalar i kalenderen.
• fylle inn opplysningar og skrive vaktrapport i elektroniske journalar.
• registrere arbeidstida.
• sende og ta imot meldingar.
• bruke ulike appar saman med bebuarane når det trengst.

Med jamne mellomrom vil pleieassistenten

• finne relevante skjema på intranettet.
• finne oppdatert informasjon frå heimesidene til kommunen.
• finne fram tiltaksplanar i elektroniske journalar.
• bruke standard kontorprogramvare.
• sende e-postar med vedlegg.
• bruke smarttelefon og nettbrett med forskjellige appar knytte til oppgåver.
• bruke og lære opp bebuarane i bruken av nettbrett.
• hjelpe bebuarar med å finne ønskt underhaldning på nettet.
• bruke QR- og strekkodar ved registrering.
• delta i møte og samtalar med leiarar og kollegaer via digitale møteplassar.
• kommunisere med leiarar eller pårørande via e-post og meldingar.

Av og til vil pleieassistenten

• finne nye oppskrifter på næringsriktig mat.
• lagre aktivitetsplanar i mapper.
• sjekke HMS-rutinar på nettet.
• bruke digitale program i opplæringstiltak.
• hjelpe bebuarar med å finne informasjon på internett.
• ta bilete av sosiale aktivitetar.
• ta bilete ved uhell eller alvorlege hendingar.