Røyrleggjar - grunnleggjande ferdigheiter på jobb

Last ned som PDF, Excel eller Word

Arbeidsoppgåver for røyrleggjarar

• planleggje og utføre oppdrag
• dokumentere kvalitet og avvik i arbeidet
• kommunisere med kollegaer, kundar, folk frå andre bransjar og leiaren på byggjeplassen for å få jobben gjort
• kunne reglar, standardar og lovverk og følgje dei
• bestille delar, fylle ut oppdragsskjema og fakturagrunnlag

Leseferdigheiter

Kvar dag vil røyrleggjaren

• lese forklaringar og instruksjonar.
• lese materiallister og sjekke at dei stemmer overeins med varene.
• kontrollere ordrar, dokument og pakksetlar.
• lese korte notat, vareinformasjon og instruksjonar.
• lese informasjon i kontroll- og kvalitetssikringsskjema.
• lese skilt, oppslag og merking om miljø og tryggleik.
• lese lister over verktøy og utstyr som krevst for ulike arbeidsoppgåver.
• lese meldingar og e-postar.

Med jamne mellomrom vil røyrleggjaren

• lese installasjonsinstruksjonar.
• lese HMS-informasjon.
• lese interne rutinar og instruksjonar.
• lese detaljerte jobbspesifikasjonar.
• lese bygningsteikningar, arbeidsordrar og planar.
• lese opplæringsmateriell.

Av og til vil røyrleggjaren

• lese utdrag frå lover og reguleringsavtalar.
• lese tekniske føresegner.
• lese informasjon og skjema som gjeld sitt eige arbeidsforhold.
• lese informasjon om rettane og pliktene til arbeidstakarar.
• lese miljø- og avfallsplanar.
• lese kart og GPS.
• lese bruksrettleiingar for nye produkt.

Skriveferdigheiter

Kvar dag vil røyrleggjaren

• dokumentere og loggføre hendingar i sitt eige arbeid.
• kvittere på ordrar og vareleveransar.
• fylle ut skjema og sjekklister for kvalitet og avvik i arbeidet.

Med jamne mellomrom vil røyrleggjaren

• setje opp lister over utstyr og verktøy som trengst til ein jobb.
• fylle ut skjema som gjeld sitt eige arbeidsforhold.
• skrive notat til seg sjølv og andre.
• skrive rapportar som dokumentasjon for godkjenning av utført arbeid.
• skrive meldingar og e-postar.

Av og til vil røyrleggjaren

• skrive korte rapporter.
• skrive grunnlag for anbod og vurderingar.
• skrive notat til kundar om kva arbeidsoppgåver som er utførte.
• skrive svar på spørsmål i samband med opplæring og sertifisering.
• fylle ut detaljerte fakturagrunnlag og anbodsgrunnlag.
• fylle ut avviksskjema ved alvorlege hendingar.
• fylle ut skjema som gjeld sitt eige arbeidsforhold.

Munnlege ferdigheiter

Kvar dag vil røyrleggjaren

• snakke med andre aktørar på byggjeplassen for å koordinere arbeidet.
• få instruksjonar og diskutere arbeidet med overordna.
• gjere avtalar med kundar om tid og kostnader og skildre arbeidet.
• snakke med kundane om framgangen i arbeidet og ulike løysingar.
• delta i lunsj- og pauseprat.

Med jamne mellomrom vil røyrleggjaren

• bestille delar og utstyr frå leverandørar.
• få opplæring og delta på informasjonsmøte.
• delta på møte.
• diskutere planar og teikningar med andre.

Av og til vil røyrleggjaren

• diskutere sine eigne arbeidstilhøve.
• delta i formell opplæring og sertifisering.
• varsle om akutte hendingar og ulukker.
• diskutere og kome med innspel om arbeidsmiljøet.
• forklare kundane korleis montert utstyr fungerer.
• ha ein medarbeidarsamtale med leiaren sin.

Rekneferdigheiter

Kvar dag vil røyrleggjaren

• gjere eksakte målingar.
• bruke arbeidsteikningar og rekne om til full storleik.
• rekne ut kor mykje materiell som trengst for å gjere ein jobb.
• rekne ut og registrere kor lang tid som trengst for å gjere ein jobb.
• fylle ut timelister og arbeidstidsskjema.
• gjere kostnadsoverslag for kundar.

Med jamne mellomrom vil røyrleggjaren

• kontrollere sin eigen lønsslipp.
• kontrollere rekningar og fakturaer.
• lage skisser for å illustrere ein jobb.
• halde oversikt over varelager.
• samanlikne prisar frå ulike leverandørar.
• rekne ut kostnader i samband med ein jobb.
• forstå og bruke vegbok, GPS eller kart for å rekne ut det beste rutealternativet.

Av og til vil røyrleggjaren

• rekne ut og kontrollere storleikar som volum, trykk og temperatur.
• rekne ut og kontrollere vinklar.
• vurdere kva mannskap som trengst ut frå framdriftsplanen og arbeidsmengda.
• kontrollere varelager.
• rekne ut prisar for oppdrag ut frå akkord eller anbod.
• fylle inn fakturagrunnlag.
• rekne ut køyregodtgjersle.

Digitale ferdigheiter

Kvar dag vil røyrleggjaren

• kommunisere med arbeidsgjevaren eller kundar via e-post eller meldingar.
• sjekke e-post, meldingar eller kalenderen for nye oppdrag.
• sjekke lagerstatus i elektronisk lagerbehaldning.
• fylle inn arbeidstid i elektroniske skjema.

Med jamne mellomrom vil røyrleggjaren

• kontrollere at det elektronisk fakturagrunnlaget er rett.
• fylle inn opplysningar om utførte oppdrag.
• spore varer og finne leveringstider.
• sende e-postar med vedlegg.
• bruke smarttelefon og nettbrett med forskjellige appar knytte til oppgåver.
• ta bilete for å dokumentere avvik eller utført arbeid.
• bruke ulike læringsressursar.

Av og til vil røyrleggjaren

• sende inn prisoverslag som vedlegg til e-post.
• bruke elektroniske utrekningsverktøy til å rekne ut, vurdere og endre anbod.
• bruke GPS til å finne fram til kundar.
• søkje på internett og i databasar etter produktinformasjon og prisar.
• melde oppdrag for offentleg godkjenning via elektroniske skjema.
• skrive kontraktar og lagre dei i elektroniske arkiv.
• sjekke anbodstenester på nettet.
• bruke sosiale medium for å halde seg oppdatert og reklamere for si eiga verksemd.
• oppdatere elektronisk køyrebok.
• bruke standard kontorprogramvare.
• bruke smarttelefon og nettbrett med forskjellige appar knytte til oppgåver.
• bruke digitale møteplassar i kontakt med kollegaer, arbeidsgjevaren og kundar.
• bruke QR- og strekkoder når det trengst.