Tømrar - grunnleggjande ferdigheiter på jobb

Last ned som PDF, Excel eller Word

Arbeidsoppgåver for tømrar

• lese bygningsteikningar, planar og instruksar
• vurdere kva utstyr, materialar og tid som trengst for å gjere ein jobb
• byggje konstruksjonar som skildra i bygningsteikningar
• følgje produkt- og monteringsrettleiingar
• dokumentere kvalitet og avvik i arbeidet
• følgje HMS-rutinar
• kommunisere med kollegaer, kundar, folk frå andre bransjar og leiaren på byggjeplassen

Leseferdigheiter

Kvar dag vil tømraren

• lese bygningsteikningar og planar.
• lese arbeidsordrane for dagen.
• lese tryggleiksinstruksar for byggjeplassen.
• lese skilt og oppslag på byggjeplassen.
• lese e-postar og meldingar.

Med jamne mellomrom vil tømraren

• lese fraktdokument ved mottak av varer.
• lese sjekklister som andre på byggjeplassen har fylt ut.
• lese HMS-informasjon.
• lese produkt- og monteringsrettleiingar frå produsentar.
• lese detaljerte jobbspesifikasjonar.
• lese bransjestandardar og oppdateringar av standardane.
• lese miljø- og avfallsplanar.

Av og til vil tømraren

• lese utdrag frå gjeldande lover, tekniske forskrifter og planar.
• lese opplæringsmateriell.
• lese arbeidskontrakt, informasjon og skjema som gjeld sitt eige arbeidsforhold.
• lese av ulike måleinstrument.
• lese bedrifta sine interne prosedyrar og instruksar.
• lese kart og GPS.

Skriveferdigheiter

Kvar dag vil tømraren

• skrive korte notat til seg sjølv eller andre.
• fylle ut skjema og sjekklister for kvalitet og avvik i arbeidet.
• skrive arbeidsrapport og oversikt over materialforbruk.
• loggføre hendingar i sitt eige arbeid.
• fylle ut timelister og arbeidstidsskjema.

Med jamne mellomrom vil tømraren

• setje opp og kvittere på arbeidsplanar.
• registrere fullført arbeid.
• skrive detaljerte lister over utstyr og verktøy som trengst for å gjere ein jobb.
• dokumentere byggjematerialar som er brukte på ein jobb.
• fylle ut arbeidsordrar og tilleggsbestillingar som kunden skal godkjenne.
• skrive meldingar og e-postar.

Av og til vil tømraren

• skrive korte rapportar som dokumenterer at arbeid er gjort etter dei gjeldande standardane.
• skrive notat for å hugse opplæring eller forklaringar.
• svare på spørsmål i samband med opplæring og sertifisering.
• skrive grunnlag for tilbod og fakturaer.
• fylle ut avviksskjema ved alvorlege hendingar.
• fylle ut skjema som gjeld sitt eige arbeidsforhold.

Munnlege ferdigheiter

Kvar dag vil tømraren

• snakke med kollegaer for å koordinere arbeidet.
• samarbeide og koordinere med andre aktørar på same byggjeplass.
• høyre og svare på instruksjonar frå arbeidsleiaren eller formannen.
• rapportere om framgangen i arbeidet.
• diskutere og forklare arbeid som er i gang.
• høyre på forklaringar av arbeidsplanen for dagen.
• delta i lunsj- og pauseprat.

Med jamne mellomrom vil tømraren

• bestille utstyr og materiell frå leverandørar og lager.
• diskutere prosjektet med leiarar på byggjeplassen.
• diskutere og føreslå endringar i planar.
• høyre på munnlege forklaringar frå personar som gjev opplæring eller informasjon.
• delta i og eventuelt leie gruppemøte.
• gje instruksjonar til personar som hjelper til med jobben.

Av og til vil tømraren

• diskutere problem med framgangsmåtar eller utføring med arbeidsleiaren eller andre tømrarar.
• forklare for kundar og diskutere med dei om materialval og korleis ein skal løyse problem.
• diskutere spørsmål med andre underleverandørar når det oppstår problem.
• svare på munnlege spørsmål i opplæring og trening.
• snakke med personar som er involverte i oppfølginga av lærlingar.
• diskutere og kome med innspel om arbeidsmiljøet.
• varsle om og kommunisere omkring hendingar eller ulukker.
• ha ein medarbeidarsamtale med leiaren sin.

Rekneferdigheiter

Kvar dag vil tømraren

• ta nøyaktige mål.
• lage og målsetje skisser.
• bruke målestokk.
• tolke arbeidsteikningar.
• bruke materialar slik at det blir minst mogeleg svinn.
• rekne ut og registrere tidsbruk på utført arbeid.
• føre materiallister.
• lage eit kostnadsoverslag for kundar.
• berekne forbruk av materiell og utstyr som går med til jobben.

Med jamne mellomrom vil tømraren

• rekne om mellom ulike einingar.
• vurdere kor mykje tid som trengst for å gjere ein jobb.
• kontrollere sin eigen lønsslipp.
• setje opp fakturagrunnlag.
• kontrollere kostnader og fakturaer.

Av og til vil tømraren

• rekne ut si eiga akkordløn.
• velje akkord eller anbod.
• rekne ut kor mykje materialar som trengst på eit prosjekt.
• bruke kart, GPS eller vegbok for å rekne ut avstandar og finne dei beste rutene.
• vurdere kva mannskap som trengst ut frå framdriftsplanen og arbeidsmengda.
• lage overslag over kostnader på større oppdrag.
• berekne køyregodtgjersle.

Digitale ferdigheiter

Kvar dag vil tømraren

• kommunisere med arbeidsgjevaren og kundar via digitale verktøy.
• leggje inn og sjekke oppdrag og avtalar i kalenderen.
• sjekke at det er laga elektroniske arbeidsordrar og rapportar.
• bestille delar frå lager eller leverandørar ved behov.
• bruke elektronisk utstyr til å gjere målingar.
• søkje etter informasjon og instruksjonar på internett og intranettet.

Med jamne mellomrom vil tømraren

• fylle inn opplysningar frå utførte oppdrag.
• sjekke lagerstatus og leveringstid i elektronisk varelager.
• sende e-postar med vedlegg.
• fylle ut elektroniske timelister.
• bruke ulike dataprogram.
• sende og ta imot meldingar og e-postar.
• bruke smarttelefon og nettbrett med forskjellige appar knytte til oppgåver.
• spore varer og finne leveringstider.

Av og til vil tømraren

• bruke Excel eller andre elektroniske utrekningsverktøy.
• bruke teikneprogram til å planleggje bygg og konstruksjonar.
• sende e-postar med vedlegg.
• bruke GPS for å finne fram til kundar.
• jobbe saman i felles digitale dokument.
• samanlikne prisar hos ulike leverandørar.
• bestille varer for levering til kundar i samband med større oppdrag.
• sjekke anbodstenester på internett.
• bruke ulike digitale møteplassar for å samarbeid og kommunikasjon.
• ta bilete for å dokumentere avvik eller utført arbeid.
• setje seg inn i kontraktar og lagre dei i elektroniske arkiv.
• bruke sosiale medium for å halde seg oppdatert og reklamere for si eiga verksemd.
• oppdatere elektronisk køyrebok.
• bruke standard kontorprogramvare.
• bruke QR- og strekkodar ved behov.
• bruke ulike opplæringsressursar.