Transportmedarbeidar - grunnleggjande ferdigheiter på jobb

Last ned som PDF, Excel eller Word

Arbeidsoppgåver for transportmedarbeidar

• Køyre lastebilen på ein trygg og rasjonell måte og planleggje og finne ruta til leveringsstaden.
• Hente, flytte og levere varer.
• Ferdigstille dokumentasjon om transport av varer.
• Kommunisere med kundar og kollegaer.
• Rekne ut og registrere tid og avstand.
• Kontrollere at køyretøyet er i forskriftsmessig stand.

Leseferdigheiter

Kvar dag vil transportarbeidaren

• lese korte instruksjonar og skilt i trafikken.
• lese og kontrollere at kolli er rett merkte.
• lese ulike typar kart.
• lese og kontrollere sendingsdokumentasjon.
• lese meldingar.
• lese ruteforklaringar i GPS.

Med jamne mellomrom vil transportarbeidaren

• lese detaljerte instruksjonar.
• lese rutinar og informasjon om korleis ulike varer skal handterast.
• lese skiftplanar og ferielister.
• lese av fartsskrivarar.
• lese e-postar og meldingar.

Av og til vil transportarbeidaren

• lese informasjon som gjeld sitt eige arbeidsforhold.
• lese opplæringsmateriell og testar.
• lese HMS-informasjon.
• lese rutinar og instruksjonar for å handtere avvik.
• slå opp i tekniske handbøker.
• lese oppdatert informasjon og reglar som gjeld sertifiseringskrav.
• lese og setje seg inn i nye rutinar.
• lese køyre- og kviletidsføresegnene.

Skriveferdigheiter

Kvar dag vil transportarbeidaren

• signere, krysse av og gjere korte notat på fraktbrev.
• kvittere for mottekne og leverte leveransar.
• loggføre arbeid.
• fylle ut pallkvitteringar.

Med jamne mellomrom vil transportarbeidaren

• fylle ut enkle skjema ved avvik eller særlege hendingar.
• setje opp arbeidsplanar.
• skrive meldingar og e-postar.

Av og til vil transportarbeidaren

• skrive korte rapporter.
• skrive søknader eller førespurnader.
• svare på spørsmål i samband med kurs, sertifisering og undersøkingar.
• skrive notat frå kurs og informasjonsmøte.
• skrive meldingar om feil og manglar.
• fylle ut ulike skjema som gjeld sitt eige arbeidsforhold.
• rapportere og dokumentere hendingar ved uhell, ran eller trugande situasjonar.
• rapportere og dokumentere skadar på materiell eller menneske.
• rapportere og dokumentere hærverk og tjuveri.
• formidle klager frå leverandørar eller mottakarar.

Munnlege ferdigheiter

Kvar dag vil transportarbeidaren

• snakkemed kundar og andre aktørar.
• snakke med andre lastebilsjåførar for å koordinere arbeidet.
• lytte til og svare på munnlege instruksjonar frå arbeidsleiaren.
• rapportere om lokalisering og korleis arbeidet går gjennom heile dagen.
• gje og ta imot munnlege beskjedar.
• delta i uformelle samtalar med kollegaer eller andre.

Med jamne mellomrom vil transportarbeidaren

• delta i møte med arbeidsgrupper.
• rapportere om problem.
• forklare feil til mekanikarar eller servicepersonale.
• løyse problem med kundar eller andre.
• handtere uventa situasjonar.

Av og til vil transportarbeidaren

• spørje om eventuelle feil i dokumentasjon kan rettast opp.
• forklare kvifor det ikkje lèt seg gjere å transportere varene eller forhandle om ei løysing.
• delta i samtalar rundt tilsetjingsforhold og medarbeidarsamtalar.
• svare på munnlege spørsmål i opplæring.
• ha ein medarbeidarsamtale med leiaren sin.

Rekneferdigheiter

Kvar dag vil transportarbeidaren

• rekne ut tidsbruk i høve til avstandar.
• rekne ut når ein treng å fylle drivstoff.
• rekne ut køyre- og kviletider.

Med jamne mellomrom vil transportarbeidaren

• kontrollere sin eigen lønsslipp.
• måle mønsterdjupna og vurdere om ho er god nok.
• sjekke lufttrykket i dekka og fylle på rett mengd luft ved behov.
• rekne ut drivstofforbruket sitt og samanlikne det med tabellar over gjennomsnittleg forbruk for ulike køyretøy.
• halde oversikt over utgifter i samband med oppdrag.
• lese og finne fram i kart, GPS eller vegbok.
• ha oversikt over eventuelle diettpengar og skattekrav.

Av og til vil transportarbeidaren

• setje seg inn i kva lastekapasitet bilen har.
• setje seg inn i krav om å taue ned lasta og finne ut kva som krevst for å sikre lasta.
• vurdere høgda og lengda på køyretøyet for sikker køyring.

Digitale ferdigheiter

Kvar dag vil transportarbeidaren

• bruke datasystem i bilar.
• bruke GPS for å finne fram til kundar.
• kommunisere med arbeidsgjevaren via e-post.
• sjekke oppdrag og avtalar i kalender og e-post.
• gjere avtalar med kundar via e-post om tidspunkt for oppmøte og leggje det som er avtalt inn i kalenderen.
• bruke handterminalar til å registrere og kontrollere varer ved lasting og lossing.
• sende og ta imot meldingar.

Med jamne mellomrom vil transportarbeidaren

• fylle inn opplysningar om utførte oppdrag.
• sjekke lagerstatus i sin eigen bil eller via elektronisk lagerbehaldning.
• sjekke leveringstider på varer som skal hentast på lager, på nettet.
• fylle inn arbeidstidsskjema i elektroniske skjema.
• sjekke at elektroniske fakturagrunnlag er laga og sende til fakturaavdelinga.
• oppdatere køyreloggen – sjekke at kvileføresegnene blir haldne.
• sende e-post til køyrekontor og mottakarar av leveransar.
• bruke ulike digitale møteplassar for samarbeid og kommunikasjon.
• bruke e-post til å kommunisere med kundar og arbeidsgjevaren.
• bruke elektroniske betalingssystem innan gods- og persontransport.

Av og til vil transportarbeidaren

• dokumentere oppdrag for godkjenning via elektroniske skjema.
• finne fram til skjema som gjeld arbeidsforholdet.
• sende bestillingar som vedlegg til e-post.
• bruke rekneark eller andre elektroniske verktøy for å endre eller vurdere leveringar.
• søkje på internett for å finne kundeopplysningar.
• skrive kontraktar og oppdrag og lagre dei i elektroniske arkiv.
• finne regelverk for transport på tvers av landegrenser.
• sjekke internasjonale avtalar for transport.
• sjekke reglar for internkontroll.
• bruke QR- og strekkodar når det trengst.
• bruke smarttelefon og nettbrett med forskjellige appar knytte til oppgåver.
• ta bilete som dokumentasjon ved hendingar eller uhell.
• bruke standard kontorprogramvare.
• bruke ulike opplæringsressursar.