Hopp til hovudinnhald

Innovasjonsalliansar tema 2: Sektorvise samarbeid om kompetanse

Sektorvise samarbeid om kompetanse samlar fag- og yrkesopplæring, høgare utdanning og arbeids- og næringslivet om kompetansebehova i ein sektor. Prosjekta skal utvikla ein felles kompetansestrategi, oppdatera yrkesprofilar og utvikla opplæring som møter både akutte og framtidige kompetansebehov. Tiltaket blir òg kalla Blueprint.

Kven kan søke

Offentlege og private organisasjonar som er juridisk etablerte i eit Erasmus+-land, kan søkja. Erasmus+-landa omfattar EU-landa, Noreg, Island, Liechtenstein, Nord-Makedonia, Serbia og Tyrkia.

Døme på aktuelle søkjarar:

  • tilbydarar av fag- og yrkesopplæring og nettverk av slike tilbydarar
  • fagskular, høgskular og universitet
  • små og store bedrifter, inkludert sosiale føretak
  • bransjeorganisasjonar, arbeidsgivarorganisasjonar og fagforeiningar
  • forskingsinstitutt og frivillige organisasjonar
  • offentlege aktørar som arbeider med utdanning, opplæring eller sysselsetjing, til dømes fylkeskommunar og NAV

Universitet og høgskular etablert i eit Erasmus+ land må ha eit gyldig Erasmus Charter for Higher Education (ECHE).

Krav til samansetjing av partnarskapen

Partnarskapen må bestå av minst 12 søkjarorganisasjonar frå minst åtte Erasmus+-land. Blant søkjarorganisasjonane må det vera:

  • minst fem arbeidslivsaktørar, til dømes bedrifter, bransjeorganisasjonar eller fagforeiningar
  • minst fem utdannings- og opplæringstilbydarar, inkludert minst éin tilbydar av fag- og yrkesopplæring og minst éin høgare utdanningsinstitusjon

Tilknytte einingar og assosierte partnarar kan delta, men tel ikkje med i minstekrava og kan ikkje vera koordinator.

Kan organisasjonar frå land utanfor Erasmus+ delta?

Organisasjonar frå tredjeland som ikkje er assosierte med programmet, kan berre delta som assosierte partnarar. Sjå programguiden for dei fullstendige reglane om deltaking.

Søknadsfrist

14. september 2027 kl. 17.00 (CET)

Om tilskotet

Kva er Innovasjonsalliansar?

Innovasjonsalliansar skal styrkja Europas innovasjonsevne gjennom samarbeid mellom utdanning, arbeids- og næringsliv og forsking. Prosjekta skal utvikla kompetansen arbeidslivet treng, og gjera utdanning og opplæring meir relevant for nye og framtidige kompetansebehov.

I 2027 kan du søkja på to ulike utlysingar under Innovasjonsalliansar:

Denne utlysingssida gjeld moglegheitene i tema 2: Sektorvise samarbeid om kompetanse. For å få oversikt over heile breidda av moglegheiter, sjå også informasjonen om tema 1: Alliansar for utdanning og næringsliv. 

Kva er tema 2: Sektorvise samarbeid om kompetanse?

Kvart prosjekt skal ta utgangspunkt i eitt av dei 14 industrielle økosystema i EU, til dømes bygg og anlegg, fornybar energi, helse eller reiseliv. Prosjekta skal møta akutte kompetansebehov som følgje av grøn og digital omstilling innan dei første 18 månadene. Gjennom prosjektperioden skal dei òg utvikla opplæring for nye yrke og yrke i endring.

Prosjekta skal mellom anna:

  • kartleggja noverande og framtidige kompetansebehov og utvikla ein felles kompetansestrategi for sektoren
  • utvikla eller oppdatera opplæringstilbod som gir arbeidstakarar kompetansen dei treng for nye oppgåver eller nye jobbar
  • utvikla yrkesprofilar, kvalifikasjonar og felles læreplanar for nye yrke og yrke i endring
  • utvikla og ta i bruk opplæringstilbod som kan nyttast i fleire land, til dømes gjennom arbeidsbasert læring
  • laga ein plan for korleis kompetansestrategien og opplæringstilboda skal takast i bruk, oppdaterast og finansierast etter prosjektslutt

Varigheit på prosjektet

  • 24 eller 36 månader.

Kor mykje støtte kan du få?

  • 1 million euro per prosjekt (24 månader)
  • 1,5 millionar euro per prosjekt (36 månader)

EU dekkjer inntil 80 prosent av prosjektkostnadene.

Døme på kostnader som kan inngå i prosjektbudsjettet

  • Løn og personalkostnader
  • Reise- og opphaldskostnader
  • Utstyr og innkjøp av tenester
  • Andre kostnader som formidling, publisering og omsetjing. 

For fullstendige reglar og detaljar, sjå programguiden for tiltaket. 

Slik søker du

Du søkjer direkte til Europakommisjonen.

Dette er eit sentralisert tiltak. Det vil seie at det er Europakommisjonen som både mottek og handsamar søknader samt forvaltar prosjekta etter oppstart.

Ettersom tiltaket er administrert av Europakommisjonen, søkjer ein direkte til Europakommisjonen sin underorganisasjon European Education and Culture Executive Agency (EACEA).

Søknadsskjema publiserast på EACEA sine eigne sider for tiltaket.

Søk Prosjektetableringsmidler

Fordi dette er eit sentralisert tiltak, så betyr det at ein konkurrerer med søkjarar frå heile Europa, og i nokre tilfelle heile verda.

Det er eit kunnskapspolitisk mål å auke norsk deltaking i Erasmus+ sentraliserte tiltak. HK-dir tilbyr derfor alle norske institusjonar, organisasjonar og bedrifter som planlegg å etablera eit sentralisert prosjekt om å søke om prosjektetableringsstøtte. Støtta skal bidra til at søkjarane når opp i europeiske konkurranse om prosjektmidlar.

Du kan søkje om:

  • Inntil 100 000 kroner som koordinator
  • Inntil 50 000 kroner som partner

Søknadsfristen er løypande.

Du finn søknadsskjema og meir informasjon om prosjektetableringsstøtte her:

Rettleiing frå HK-dir

HK-dir kan òg tilby rettleiing på søknaden din, med atterhald om kapasitet. Ta kontakt for å avtala tid.

Merk: Me tek ikkje imot, behandlar eller følgjer opp prosjekt, og kan derfor ikkje gi rettleiing om tekniske eller administrative spørsmål i prosjektgjennomføringa.

Kontakt oss

Erasmus+ høyere utdanning

E-post:erasmus@hkdir.no