Gjennom Erasmus+ kan utdanningsinstitusjonar, bedrifter og andre arbeidslivsaktørar utvikla fag- og yrkesopplæringa saman med partnarar i andre land. Eit CoVE-prosjekt tek utgangspunkt i lokale og regionale kompetansebehov og bruker det europeiske samarbeidet til å utvikla opplæring som arbeidslivet og samfunnet treng.
Kven kan søke
Offentlege og private organisasjonar kan søkja. Koordinatoren må vera juridisk etablert i eit Erasmus+-land. Erasmus+-landa omfattar EU-landa, Noreg, Island, Liechtenstein, Nord-Makedonia, Serbia og Tyrkia.
Partnarskapen må ha minst åtte søkjarorganisasjonar frå minst fire Erasmus+-land. Tilknytte einingar og assosierte partnarar kan delta, men tel ikkje med i minstekrava og kan ikkje vera koordinator. Kvart tema har eigne krav til kva slags organisasjonar som må delta. Sjå under for meir informasjon.

Søknadsfrist
16. september 2027 kl. 17.00 (CET)
Om tilskotet
I 2027 har utlysinga to tema:
- Tema 1 – Senter for framifrå fag- og yrkesopplæring. Støtte til å etablera og utvikla internasjonale CoVE-partnarskap.
- Tema 2 – Europeisk praksisfellesskap for CoVE. Støtte til å driva eit felles europeisk nettverk der CoVE-prosjekta kan læra av kvarandre, samarbeida og gjera resultata tilgjengelege for fleire. EU ventar å finansiera eitt prosjekt under dette temaet.
Tema 1 – Senter for framifrå fag- og yrkesopplæring
Tema 1 gir støtte til å etablera og utvikla CoVE-partnarskap. Prosjekta koplar saman lokale og regionale partnarskap i fleire land. Skular, fagskular, bedrifter og andre aktørar kan til dømes utvikla nye opplæringstilbod, styrkja lærlingordningar eller gi lærarar og instruktørar fagleg påfyll.
Krav til partnarskapen
Søkjarorganisasjonane må vera aktive innan fag- og yrkesopplæring eller i arbeidslivet. Frå kvart av landa som oppfyller minstekravet, må det delta:
- minst éin arbeidslivsaktør, til dømes ei bedrift, ein annan arbeidsgivar eller ein bransjeorganisasjon
- minst éin tilbydar av fag- og yrkesopplæring på vidaregåande eller høgare nivå
Organisasjonar frå kvalifiserte tredjeland i region 1–3 kan delta som tilskotsmottakarar eller tilknytte einingar dersom søknaden viser at dei tilfører prosjektet vesentleg meirverdi. Organisasjonar frå andre tredjeland kan delta som assosierte partnarar der reglane opnar for det. Organisasjonar frå Belarus og Russland kan ikkje delta.
Kva skal prosjektet innehalda?
Prosjektet skal ha hovudvekt på nivå 3–5 i det europeiske kvalifikasjonsrammeverket (EQF). Søknaden må velja minst fire aktivitetar innan undervisning og læring, tre innan samarbeid og partnarskap og to innan styring og finansiering frå aktivitetslista i programguiden. Prosjektet skal òg ha ein plan for korleis resultata skal takast i bruk og vidareførast etter prosjektslutt.
Varigheit på prosjektet
- 48 månader
Kor mykje støtte kan du få?
- 4 millionar euro per prosjekt
Tema 2 – Europeisk praksisfellesskap for CoVE
Tema 2 gir støtte til å driva og vidareutvikla eit europeisk praksisfellesskap der CoVE-prosjekta kan dela erfaringar, samarbeida og gjera resultata tilgjengelege for fleire i fag- og yrkesopplæringa. Det kan til dømes skje gjennom faglege arbeidsgrupper, møteplassar og støtte til det årlege europeiske forumet for CoVE.
Krav til partnarskapen
Søkjarorganisasjonane må vera aktive innan fag- og yrkesopplæring. Frå kvart av landa som oppfyller minstekravet, må minst éin søkjarorganisasjon vera aktiv innan fag- og yrkesopplæring på vidaregåande eller høgare nivå. Arbeidslivsaktørar som er aktive innan fag- og yrkesopplæring, kan delta. Kravet i tema 1 om ein eigen arbeidslivsaktør frå kvart land gjeld berre tema 1.
Organisasjonar frå tredjeland som ikkje er assosierte med Erasmus+, kan delta som assosierte partnarar. Organisasjonar frå Belarus og Russland kan ikkje delta. I vurderinga av søknaden blir det mellom anna lagt vekt på erfaring frå CoVE-arbeid, samarbeid med eksisterande CoVE-prosjekt og geografisk breidde i partnarskapen.
Varigheit på prosjektet
- 48 månader
Kor mykje støtte kan du få?
- Maksimalt 1,5 millionar euro per prosjekt
Slik søker du
Du søkjer direkte til Europakommisjonen.
Dette er eit sentralisert tiltak. Det vil seie at det er Europakommisjonen som både mottek og handsamar søknader samt forvaltar prosjekta etter oppstart.
Ettersom tiltaket er administrert av Europakommisjonen, søkjer ein direkte til Europakommisjonen sin underorganisasjon European Education and Culture Executive Agency (EACEA).
Søknadsskjema publiserast på EACEA sine eigne sider for tiltaket.
Søk Prosjektetableringsmidler
Fordi dette er eit sentralisert tiltak, så betyr det at ein konkurrerer med søkjarar frå heile Europa, og i nokre tilfelle heile verda.
Det er eit kunnskapspolitisk mål å auke norsk deltaking i Erasmus+ sentraliserte tiltak. HK-dir tilbyr derfor alle norske institusjonar, organisasjonar og bedrifter som planlegg å etablera eit sentralisert prosjekt om å søke om prosjektetableringsstøtte. Støtta skal bidra til at søkjarane når opp i europeiske konkurranse om prosjektmidlar.
Du kan søkje om:
- Inntil 100 000 kroner som koordinator
- Inntil 50 000 kroner som partner
Søknadsfristen er løypande.
Du finn søknadsskjema og meir informasjon om prosjektetableringsstøtte her:
Rettleiing frå HK-dir
HK-dir kan òg tilby rettleiing på søknaden din, med atterhald om kapasitet. Ta kontakt for å avtala tid.
Merk: Me tek ikkje imot, behandlar eller følgjer opp prosjekt, og kan derfor ikkje gi rettleiing om tekniske eller administrative spørsmål i prosjektgjennomføringa.