Kjenneteikn på måloppnåing i samfunnsfag (FOV)

Læreplanen i samfunnsfag med kompetansemål, tekstane om faget og tekst om undervegsvurdering, beskriv den heilskaplege kompetansen til deltakarane på eit overordna nivå og dannar grunnlaget for vurderingsarbeidet. Kjenneteikna i samfunnsfag beskriv korleis denne samla kompetansen kan sjå ut i kvar enkelt modul på ulike nivå.

Sist oppdatert : 5. mai 2025

Ei faggruppe i samfunnsfag (SAF03-01) har på oppdrag frå HK-dir utarbeidd beskrivingar av kjenneteikn på måloppnåing i modulane. Kjenneteikna kan saman med læreplanen støtte lærarane i arbeidet med undervegsvurdering og sluttvurdering. Med sluttvurdering siktar ein til modulvurdering og standpunktvurdering. Kjenneteikna kan brukast for å utvikle felles forståing av kompetanse på ulike nivå i læreplanen og kan leggje til rette for arbeidet med utvikling av gode vurderingspraksisar, i lokale og regionale tolkingsfellesskap.

Anerkjenning og verdsetjing av erfaringane, ressursane og fleirspråklege kompetansen til deltakarane er eit gjennomgåande prinsipp i læreplanen. Dette prinsippet er vidareført i kjenneteikna og må liggje til grunn for vurderingsarbeidet.

I målgruppa for FOV vil mange ha behov for å utvikle kompetanse i norsk språk og samfunnsfag i eit samspel gjennom heile opplæringsløpet. Dette er det teke omsyn til både i læreplanen og i kjenneteikna på måloppnåing ved at deltakarane skal kunne støtte seg på til dømes ein samtalepartnar, digitale ressursar, fysiske omgivnader, eige morsmål eller bilete, tal og grafar når dei uttrykkjer fagkompetanse. Dette er mellom anna uttrykt ved at det står «med støtte». Slik blir det lagt til rette for at deltakarane kan uttrykkje kompetanse på eit språkleg høgare nivå enn det dei ville hatt føresetnader for å gjennomføre utan denne støtta.

Her kan du lese meir om samarbeid og tolkingsfellesskap.

Kjenneteikna er formulerte på eit overordna nivå og for tre karakterar:

For modul 1 og 2: låg måloppnåing, middels måloppnåing og høg måloppnåing, jf. § 15-3 andre ledd i forskrift til opplæringslova.

For modul 3 og 4: låg kompetanse (karakter 2), god kompetanse (karakter 4) og framifrå kompetanse (karakter 6), jf. § 15-3 første ledd i forskrift til opplæringslova.

Les meir om standpunktvurdering.

Last ned kjenneteikn på måloppnåing i samfunnsfag (PDF, 115.16 KB)

Modul 1: Kjenneteikn på måloppnåing til støtte for modulvurdering

Låg måloppnåing	Middels måloppnåing	Høg måloppnåing
Deltakaren forstår og bruker enkelte ord om samfunn og demokrati.	Deltakaren forstår og bruker nokre ord og frasar om ulike samfunn og demokrati.	Deltakaren samtaler med støtte om ulike samfunn og demokrati.
Deltakaren forstår og bruker enkelte ord og frasar om korleis menneske kan påverke miljøet i kvardagen.	Deltakaren forstår og bruker ord og frasar om korleis menneske kan påverke miljøet i kvardagen.	Deltakaren gir døme på korleis menneske kan påverke miljøet i kvardagen.
Deltakaren forstår og bruker enkelte ord og frasar om eigen kompetanse.	Deltakaren forstår og bruker nokre ord og frasar om eigen kompetanse og norsk skule.	Deltakaren fortel på ein enkel måte om eigen kompetanse, og gir døme på betydninga av utdanning.
Deltakaren forstår og bruker enkelte ord og frasar om familieliv.	Deltakaren forstår og bruker nokre ord og frasar om familieliv, og om korleis folk levde før og no.	Deltakaren samtaler med støtte på ein enkel måte om familieliv, og om korleis folk levde før og no.
Deltakaren bruker med støtte tilrettelagde kjelder.	Deltakaren bruker med støtte kart og tilrettelagde kjelder, og forstår og bruker ord og frasar om nettvett i kvardagen.	Deltakaren forstår og bruker kart og tilrettelagde kjelder, og samtaler med støtte om nettvett i kvardagen.

Modul 2: Kjenneteikn på måloppnåing til støtte for modulvurdering

Låg måloppnåing	Middels måloppnåing	Høg måloppnåing
Deltakaren samtaler med støtte om nokre trekk ved demokratiet, og retten mennesket har til frie og likeverdige liv.	Deltakaren beskriv på ein enkel måte nokre sider ved demokratiet i Noreg, og retten mennesket har til frie og likeverdige liv.	Deltakaren beskriv på ein enkel måte demokratiet i Noreg, og samtaler med støtte om retten mennesket har til frie og likeverdige liv.
Deltakaren gir døme på enkelte forhold som påverkar relasjonar mellom menneske.	Deltakaren samtaler med støtte om nokre forhold som påverkar relasjonar mellom menneske.	Deltakaren beskriv nokre forhold som påverkar relasjonar mellom menneske.
Deltakaren samtaler med støtte om nokre trekk ved norsk skule og arbeidsliv.	Deltakaren beskriv nokre trekk ved norsk utdanning og arbeidsliv, og samtaler med støtte om moglegheiter for arbeid i Noreg.	Deltakaren samtaler om nokre sentrale trekk ved norsk utdanning og arbeidsliv, og utforskar moglegheiter for arbeid i Noreg.
Deltakaren gir døme på nokre val og handlingar som kan bidra til eit meir berekraftig samfunn.	Deltakaren fortel på ein enkel måte om nokre val og handlingar som kan bidra til eit meir berekraftig samfunn.	Deltakaren samtaler med støtte om val og handlingar som kan bidra til eit meir berekraftig samfunn.
Deltakaren gir døme på kvifor menneske flyttar og flyktar.	Deltakaren samtaler med støtte om kvifor menneske flyttar og flyktar.	Deltakaren reflekterer med støtte over kvifor menneske flyttar og flyktar.
Deltakaren bruker nokre eigna kjelder med støtte.	Deltakaren bruker eigna kjelder og kart med noko støtte, og samtaler på ein enkel på måte om nettvett.	Deltakaren bruker eigna kjelder og kart og fortel om betydninga av nettvett.

Modul 3: Kjenneteikn på måloppnåing til støtte for modulvurdering

Låg kompetanse, karakteren 2	God kompetanse, karakteren 4	Framifrå kompetanse, karakteren 6
Deltakaren samtaler med støtte om samfunnsfaglege og geografiske tema, gjerne med utgangspunkt i eigne erfaringar.	Deltakaren samtaler om samfunnsfaglege og geografiske tema, gjerne med utgangspunkt i eigne erfaringar.	Deltakaren utforskar og samtaler om samfunnsfaglege og geografiske tema, gjerne med utgangspunkt i eigne erfaringar og eigen kompetanse.
Deltakaren samtaler om enkelte sider ved norsk utdanningssystem og arbeidsliv, og om eiga erfaring og kompetanse.	Deltakaren beskriv nokre trekk ved norsk utdanningssystem og arbeidsliv, og utforskar eigne moglegheiter i utdanning og arbeidsliv.	Deltakaren samtaler om sentrale trekk ved norsk utdanningssystem og arbeidsliv, og reflekterer over eigne moglegheiter.
Deltakaren samtaler med støtte om enkelte sider ved demokratiske samfunn og retten til frie og likeverdige liv.	Deltakaren beskriv nokre sider ved demokratisk samfunn og retten til frie og likeverdige liv.	Deltakaren samtaler og reflekterer over ulike sider ved demokratiske samfunn og retten til frie og likeverdige liv.
Deltakaren gir døme på nokre historiske hendingar og prosessar som har danna dagens samfunn.	Deltakaren beskriv nokre sentrale historiske hendingar og prosessar som har danna dagens samfunn.	Deltakaren presenterer nokre sentrale historiske hendingar og reflekterer over historiske hendingar og prosessar som har danna dagens samfunn.
Deltakaren samtaler med støtte om berekraftige samfunn.	Deltakaren gir døme på kjenneteikn ved berekraftige samfunn.	Deltakaren presenterer sentrale trekk ved berekraftige samfunn og utforskar berekraftige tiltak.
Deltakaren bruker nokre kjelder, og samtaler med støtte om digital dømmekraft.	Deltakaren finn og bruker kjelder, og samtaler om digital dømmekraft.	Deltakaren bruker informasjon frå ulike kjelder, stiller kritiske spørsmål til kjeldebruk og samtaler om digital dømmekraft.

Modul 4: Kjenneteikn på måloppnåing til støtte for standpunktvurdering

Låg kompetanse, karakteren 2	God kompetanse, karakteren 4	Framifrå kompetanse, karakteren 6
Deltakaren fortel om delar av arbeidslivet og den moderne velferdsstaten.	Deltakaren presenterer nokre kjenneteikn ved arbeidslivet og den moderne velferdsstaten.	Deltakaren presenterer og reflekterer over sentrale sider av arbeidslivet og gir døme på samanhengar mellom arbeidslivet, den moderne velferdsstaten og det demokratiske Noreg.
Deltakaren fortel om ulike styresett og nokre sentrale sider ved demokratiske samfunn.	Deltakaren identifiserer og beskriv ulike styresett og sentrale sider ved demokratiske samfunn.	Deltakaren reflekterer over sentrale sider ved demokratiske samfunn og samanliknar ulike styresett.
Deltakaren fortel om makt, konfliktar og samarbeid.	Deltakaren identifiserer og beskriv korleis makt, konfliktar og samarbeid påverkar samfunn og individ.	Deltakaren viser døme på og reflekterer over korleis makt, konfliktar og samarbeid kan påverke samfunn og individ.
Deltakaren gir døme på kva som kan påverke berekraftig utvikling.	Deltakaren identifiserer og beskriv nokre samanhengar mellom økonomiske, miljømessige og sosiale dimensjonar ved berekraftig utvikling.	Deltakaren diskuterer og gir døme på samanhengar mellom økonomiske, miljømessige og sosiale dimensjonar ved berekraftig utvikling.
Deltakaren gir døme på nokre moglegheiter og utfordringar i eit mangfaldig samfunn.	Deltakaren identifiserer og beskriv nokre moglegheiter og utfordringar i eit mangfaldig samfunn, i eit historisk og notidig perspektiv.	Deltakaren presenterer og reflekterer over moglegheiter og utfordringar i eit mangfaldig samfunn, i eit historisk og notidig perspektiv.
Deltakaren finn og bruker informasjon frå ulike kjelder om samfunn og nokre historiske hendingar.	Deltakaren finn og vurderer informasjon frå ulike kjelder om samfunn og nokre historiske hendingar.	Deltakaren utforskar ulike kjelder og gir døme på korleis ulike kjelder påverkar kunnskapen vår om samfunn og historiske hendingar.

Kjennetegn på måloppnåelse for modulene i FOV

Utformingen av kjennetegnene har vært et utviklingsarbeid, og her kommer første versjon. Vi vil innhente innspill fra ledere og lærere i voksenopplæringen når dere har gjort dere erfaringer med bruken av disse i arbeidet med modulvurdering og standpunktvurdering.

Har du innspill til kjennetegnene? Send oss en e-post: fullforingsreformen@hkdir.no